Според критериумите на Меѓународната класификација на главоболки, дијагнозата се поставува ако болниот до прегледот имал пет слични главоболки кои без лекови траат до 72 часа.
Пулсирање во главата
Лицата кои страдаат од мигрена често тврдат дека во главата чувствуваат пулсирање и дека имаат чувство дека главата секој момент ќе им експлодира. Болката е страшна и тапа.
Болки само на едната страна
Кога имате мигрена, главата ве боли само на едната страна, додека кај класичната главоболка болката се појавува секаде, а синусната главоболка обично се чувствува како притисок околу образите, очите и челото.
Треперење пред очи
Кога имате мигрена доаѓа до намалување на протокот на крв во мозокот и се се забавува. Од друга страна, околу 25% од заболените доживуваат аура пред или за време на мигрената. Визуелната аура предизвикува различни облици на искривен вид, вклучувајќи светкање, различни бои, пикселизиран поглед, одблесоци на едната страна од видното поле или шарени цик-цак линии. Овие видови на промени обично не се случуваат кај класичните или синусните главоболки.
Слабост и трнење
Мигрената исто така може да се појави со сензорна аура која предизвикува трнење, пецкање или дури и слабост на едната страна од телото. Некои лица имаат и говорна аура, па се им се јавуваат потешкотии во пронаоѓањето на зборови, што е слично на она кое се случува при мозочен удар.
Не сте при себе и кога главоболката ќе престане
Лицата кои имаат мигрена често се депресивни, раздразливи или премногу еуфорични. Исто така, некои имаат и големи проблеми со концентрацијата.
