Истражување покажало дека пливањето значајно ги намалило симптомите на анксиозност или депресија кај 1,4 милиони возрасни во Британија. Освен тоа, 492.000 возрасни лица како резултат на пливањето, го намалиле и бројот на контроли и количини на лекови во врска со нивното ментално здравје.
Целта на студијата била да се поттикнат ворзасните лица со цел да го намалат стресот и симптомите на депресија. Ова истражување покажало дека 43% од испитаниците кои редовно пливале, поради активноста се чувствувале посреќни, а 26% биле помотивирани за работа и за извршување на секојдневните обврски.
Секоја физичка активност поволно влијае на менатлното здравје, но пливањето е единствено, бидејќи обезбедува да секој учествува во ритам кој му одговара, што е посебно важно кај лицата кои имаат ограничена подвижност. Истовремено, истражувањето покажало дека престојот во вода е окрепувачки, а нуди и можност за избор, тркање со времето или лежерно пливање, сам или со пријатели.
