Листата на симптоми поврзани со новиот коронавирус и натаму се дополнува. Вирусот различно влијае на луѓето, а респираторните симптоми не се единствените на кои треба да обрнете внимание. Дел од лекарите забележуваат дека некои симптоми се почесто се појавуваат.
Ова се пет нови и необични симптоми на КОВИД-19 кои ги истакнуваат лекарите кај инфицираните лица.
- ПЛУСКАВЦИ/МЕУРЧИЊА НА ЈАЗИКОТ
КОВИД-јазик е еден од необичните симптоми на кој лекарите веќе подолго време предупредуваат, но сега почнал да се јавува со меурчиња во устата, осип и јазли кои се поклопувале со останатите симптоми на КОВИД-19, вклучувајќи температура, кашлица и замор. Иако симптомите може да бидат збунувачки, но и непријатни, симптомите на воспаление на јазикот или други необични промени треба да бидат аларм за загриженост.
КОВИД-јазик може да се појави и поради Квасаки синдромот – ретка воспалителна компликација поврзана со тешката форма на КОВИД-19 кај децата, која влијае на протокот на крв и виталното функционирање. Ако се сомневате на изложеност на вирусот, веднаш побарајте помош поради болка, промена на бојата, отоци, чувство на печење или промена на текстурата на јазикот.
- КОВИД ПРСТИ
Низ светот се евидентираат се повеќе случаи на отекувања на прстите на рацете и на нозете и тоа ги загрижува стручњаците. Лекарите сега гледаат дека многумина со позитивен тест на инфекцијата го доживуваат овој симптом само во текот на заразата и им се заканува погрешна дијагноза. Студиите исто така покажуваат дека осипот и јазлите се исто така доминантни знаци на инфекцијата кај помладите деца кои покажуваат поникави симптоми од возрасните.
Како резултат на воспалението во телото предизвикано со вирусното ширење, ножните прсти може да отечат и да се развијат лезии и може да дојде до промена на бојата на прстите и на рацете и на нозете.
- АБНОРМАЛНО ЗГРУТЧУВАЊЕ НА КРВТА
Згрутчувањето на крвта е се почеста нуспојаба што ја пријавуваат инфицираните со коронавирус. Сега е утврдено дека вирусот може брзо да се прошири низ телото, да предизвика крвни згрутчувања и да го поремети здравиот проток на крв низ вените. Згрутчувањето на крвта може да влијае и на млади и здрави пациенти кои немаат сериозни симптоми поврзани со вирусот.
Во таков случај тие крвни згрутчувања може неочекуваното да ги запушат крвните садови и да ја нарушат работата на виталните органи, вклучувајќи го и срцето, бубрезите и црниот дроб, што може да биде штетно. Иако не постои сигурен начин за проверка на згрутчувањата, лекарите предупредуваат да се контролираат виталните параметри – нивото на шеќер во крвта, крвниот притисок, да бараат занци на воспаление и да делуваат во склад со тоа, за подоцна да избегнат последици.
- ОСИП И УРТИКАРИЈА
Изненадна појава на осип или појава на повеќе јазли на кожата, кои може да траат со часови, исто така може да биде знак на рана инфекција со коронавирус. Тоа е уште еден кожен симптоми кој може да се задржи и подолго, понекогаш и со недели по оздравувањето. Според истражувањата, осипот може да почне од табаните, дланиките и полека да се шири на останати делови на кожата. Во многу случаи може да предизвика и акутен оток на чувствителните делови на телото како очните капаци и усните.
- ПОСТАКУТНИ ПОСЛЕДИЦИ – PASC
Иако влијанието на долгиот КОВИД е значајно, научниците имаат ново име за слабоста и заморот кои ги мачат пациентите за време на траење на инфекцијата – PASC, односно постакутни последици. Тоа може да предизвика долготрајни симптоми кај пациените на кои опоравувањето тешко им оди. Иако студиите за влијанието на ова се уште се во тек, се чини дека жените и лицата во повозрасни години се почувствителни на акутниот замор, исцрпеност и останатите вирусни симптоми.
