По рецепт на баба: Природни и евтини лекови против болки во грлото

Излечете го болното грло со помош на овие три едноставни рецепти за кои состојките сигурно ги имате во вашата кујна

Зимата е период на настинки, а сувата кашлица и болното грло се честа појава. Ви носиме три едноставни начини за смирување на болката во грлото:

Солена вода

Испирање на грлото со солена вода е еден од најстарите начини на смирување на болката. Без оглед на тоа што е причината за болката во грлото, таа значи дека ќелиите во слузницата се отечени и дека дошло до воспаление.  Испирањето на грлото со солена вода го намалува чувството на отеченост, затоа што функцијата на солта е извлекување на водата што доведува до намалување на отечените клетки и намалување на болката. Исто така, помага при испирање на вишокот слуз и кај затнатниот нос.

Што ви е потребно: Се што ви треба е филџанче топла вода и половина лажичка сол.

Начин на приготвување: Загрејте ја водата да биде топла, но не врела. Додајте сол, добро измешајте и почнете да правите гаргара. По потреба постапката повторете ја, до три пати дневно. Повеќе од тоа не се препорачува, затоа што можете да го оштетите здравото меко ткиво.

Јаболков оцет

Ова сигурно не е највкуснот начин за решавање на проблемот, но и јаболковиот оцет е одличен избор заради високото ниво на киселост која ги убива бактериите мошне ефикасно. Кога на јаболковиот оцет ќе му се додаде мед, со неговата ефикасност се ублажува болната чувствителност во грлото.

Што ви е потребно: Една лажица јаболков оцет, една лажица мед и филџанче топла вода. А може да се приготви на два начина.

Начин на приготвување:

  1. Оцетот и медот измешајте ги во филџанчето, многу, топла вода и испијте додека водата е се уште топла.
  2. Ако не сакате да ја голтате течноста затоа што има јак вкус кој не ви се допаѓа, тогаш две лажици јаболков оцет додадете во половина филџан со топла вода и со тоа правете гаргара еднаш дневно.

Жалфија

Жалфијата е билка која има моќ да помогне при отечено грло. Фенолните киселини во жалфијата помагаат и при убивање на лошите бактерии кои можат да ги предизвикаат или да придонесат за вашите симптоми. Најдобар начин за користење на жалфијата во овој случај е испирање на грлото.

Што ви е потребно: Еден филџан врела вода, две лажички листови од жалфија, суви или свежи, и 7 грама сол

Начин на приготвување: Стоплете ја водата и ставете ја во филџанчето во кое претходно сте го ставиле потребното количество жалфија. Покријте го филџанчето и оставете да отстои околу 20 минути. После тоа процедете ја течноста, додадете сол и правете гаргара.