Побавното одење, кое е карактеристично за стареењето, отсекогаш предупредува на кревкоста на организмот, што може да резултира со пад, а последично и со инвалидитет, но нови истражувања во кои биле вклучени повозрасни испитаници, укажува на тоа дека побавното одење од година во година може да биде и ран знак за когнитивно опаѓање, велат експертите.
Ова може да се должи на намалување на десниот хипокампус, дел од мозокот поврзан со помнењето, покажале студиите.
Но, научниците истакнуваат дека сите знаци на когнитивно пропаѓање нужно не укажуваат на подоцен развој на деменција. Само кај 10 до 20 проценти од луѓето на возраст од над 65 години со благо когнитивно оштетување (MCI) развиваат деменција во текот на следната година, покажуваат податоците на Националниот институт за стареење на САД. “Во многу случаи, симптомите на MCI може да останат исти или дури и да се подобрат“.
Нова голема студија која опфатила 17.000 возрасни лица постари од 65 години открива дека кај повозрасните лица кои од година во година одат околу 5 проценти побавно или повеќе, а истовремено покажуваат и знаци на побавна ментална обработка на податоците, најверојатно ќе развијат деменција.
Резултатите од студијата се објавени завчера во списанието JAMA Network Open.
“Овие резултати укажуваат на значењето на одењето во проценка на ризикот од деменција“, вели авторката на истражувањето Таја Колиер, научник на Универзитетот Монаш.
