Почна третиот симпозиум за новини во алергологијата и клиничката имунологија 2019

“Овој трет симпозиум значи одржување на континуитетот во информирањето на целната публика: интернисти, пулмолози, педијатри, алерголози, имунолози, специјалисти по медицина на трудот, дерматовенеролози и сите други специјалности кои се занимаваат со дијагностика и лекување на алерголошки и имунолошки нарушувања кај децата и адултната популација, за најновите достигнувања во алергологијата и клиничката имунологија. Истовремено ова е место за размена на мислења, искуства и идеи помеѓу македонските и интернационалните колеги кои се дел од овој настан“, истакна проф. Дејан Докиќ на свеченото отворање на симпозиумот.

Со неколку предавања на домашни и странски експерти од областа на имунологијата, вечерва во Скопје, почна третиот симпозиум “Новини во алергологијата и клиничката имунологија 2019“, во организација на Македонското здружение за алергологија и клиничка имунологија.

“Овој трет симпозиум значи одржување на континуитетот во информирањето на целната публика: интернисти, пулмолози, педијатри, алерголози, имунолози, специјалисти по медицина на трудот, дерматовенеролози и сите други специјалности кои се занимаваат со дијагностика и лекување на алерголошки и имунолошки нарушувања кај децата и адултната популација, за најновите достигнувања во алергологијата и клиничката имунологија. Истовремено ова е место за размена на мислења, искуства и идеи помеѓу македонските и интернационалните колеги кои се дел од овој настан“, истакна проф. Дејан Докиќ на свеченото отворање на симпозиумот.

Во наредните два дена на овој стручен собир ќе се опфатат теми од областа на педијатријата, кои вклучуваат теми за гастроинтестинален микробиом и имунитетот во првите две години – осврт на деца родени со царски рез, за алергиски ринитис кај децата, егзема во детската возраст. На пулмолошките сесии ќе се дискутира за третман на астмата, за плевралните изливи како последица на срцеви заболувања, како и за хроничниот риносинузитис. Во делот на дерматологијата ќе говорат еминентни стручњаци за атописки дерматит, рекурентен ангиоедем и нега на кожа подложна кон атопија. Посебна сесија е посветена и на професионална алергија кај здравствените работници, како и за професионалната алергиска астма.