Дебелите луѓе со поголем обем на половината се изложени на ризик од недостаток на витамин Д, покажала новата студија. Инаку, пониските нивоа на витамин Д се поврзани со послабо здравје на коските, поголемен ризик од респираторни инфекции, автоимуни болести и болести на срцето.
Силната поврзаност на зголемената количина на масти во пределот на стомакот и ниските нивоа на витамин Д, укажува на тоа дека лицата со зголемен обем на половина се изложени на поголемен ризик од дефицит на витамин Д и дека треба да размислуваат за проверка на нивното ниво на витамин Д.
Интересно е дека ниските нивоа на витамин Д се забележани кај мажите со поголем обем на половината, но не и кај жените со поголем обем на половината.
Пониските нивоа на витамин Д се поврзани со послабо здравје на коските, поголемен ризик од респираторни инфекции, автоимуни болести и болести на срцето
Но кај жените повисокото ниво на маснотии во црниот дроб било поврзано со ниски нивоа на витамин Д. Споменатата врска, пак, не била забележана кај мажите.
Оваа силна поврзаност може да укажува на потенцијалната улога на витаминот Д во складирањето и функцијата на абдоминалните масти, се вели во соопштението на European Society of Endocrinology.
