ПОКАЧЕН ШЕЌЕР ПОРАДИ КОВИД-19: Дали ваквиот дијабетес е времен или останува до крајот на животот?

Кај поголем дел пациенти на кои им бил дијагностициран дијабетес во текот на хоспитализацијата, воочени се поблаги проблеми со нивото на шеќер во крвта, но потешка форма на КОВИД-19, во споредба со пациентите кои од претходно боледувале од шеќерна болест.

Според нови податоци, дијабетесот што го развиваат пациентите со тешка форма на КОВИД-19 во текот на хоспитализацијата, може да биде само времен, а нивото на шеќерот во крвта може, по оздравувањето, на овие пациенти да им се врати во нормала.

Научниците спровеле истражување на 594 пациенти кои покажувале знаци на дијабетес откако биле хоспитализирани поради КОВИД-19, од кои, 78 испитаници претходно немале дијагноза на дијабетес.

Кај поголем дел пациенти на кои им бил дијагностициран дијабетес во текот на хоспитализацијата, воочени се поблаги проблеми со нивото на шеќер во крвта, но потешка форма на КОВИД-19, во споредба со пациентите кои од претходно боледувале од шеќерна болест.

Научниците во списанието Journal of Diabetes and Its Complications објавиле дека кај 40 отсто од пациентите на кои дијабетесот им бил дијагностициран во текот на хоспитализацијата, една година подоцна, нивото на шеќерот во крвта им се спуштил под границата за дијагноза.

“Овие резултати укажуваат на тоа дека новодијагностицираниот дијабетес може да биде минлива состојба поврзана со акутниот стрес предизвикан од инфекцијата со коронавирус“, вели д-р Сара Кромер од општата болница Масечусетс во Бостон.

Резултатите од нашето истражување, нагласува д-р Кромер, укажуваат на тоа дека појавата на недоволно инсулин, ако до неа воопшто дојде, не е трајна.

“На овие пациенти инсулин и други лекови им се потребни само кратко време, поради што е исклучително важно лекарите да внимателно го следат текот на болеста за да утврдат дали состојбата ќе им се подобри и во кој момент“, објаснува докторката.