Научниците откриле заедничка генетска варијанта кај половина од сите жени со синдром на полицистични јајчници (PCOS). Имено, се работи за варијанта во генот наречен DENND1A кој е вклучен во производството на машки хормони. Таа генетска промена предизвикува високи нивоа на тестостерон и може да биде причина за оваа состојба.
Инаку, синдромот на полицистични јајчници зафаќа околу 5 до 15 поценти од жените во предменопауза, зависно од дијагностичките критериуми, и е главна причина за појава на неплодност и дијабетес тип 2 кај жените.
Општо се смета дека генетиката заедно со високото ниво на андрогени (машки полови хормони, вклучувајќи го и тестостеронот) кај жените, како и високото ниво на инсулин предизвикува синдром на полицистични јајчници.
