Пореметувањето на вниманието и хиперактивноста крие генијалност?!

Психолозите велат дека ова пореметување во однесувањето, обично се воочува кај децата.

Родителите често се загрижени дека нивните немирни деца, кои имаат проблем со концентрацијата и наглите реакции, патат од пореметување на вниманието и хиперактивност. За утеха, 500 години од смртта на познатиот Леонардо да Винчи, архитект, пронаоѓач, инженер, вајар и сликар, научниците тврдат дека тој имал карактеристики на луѓе кои патат од ова пореметување.

Познатиот Леонардо да Винчи можеби имал АДХД (Attention-Deficit/Hyperactivity Disorder), односно хиперактивност и пореметување на вниманието. Барем така тврдат лондонските стручњаци.

„Очигледно тешко е да се направи каква било психијатриска дијагноза затоа што не постојат биолошки маркери, но сосема сум сигурен дека за АДХД, меѓу сите сугестии кои се направени во минатото најверодостојно, е објаснувањето дека Леонардо е генијалец со непристојно однесување“, вели професорот Марко Катани од Кралскиот колеџ во Лондон.

Пореметувањето се карактеризира со неспособност да се завршуваат зададените задачи, немир, потреба за движење, расеано внимание, одолговлекување…

„Модерната дијагноза на АДХД нема никаква врска со коефициентот на интелигенција. Всушност, мојата намера беше да го користам Леонардо како некој кој имал голем талент, голема креативност, а сепак се борел да ги оствари и заврши задачите“, објаснува Катани.

АДХД може да биде и фактор за исклучителна креативност.

„Ако Леонардо да Винчи имал АДХД, тогаш секој може да го има ова пореметување и право да го постигне својот потенцијал“, заклучува Катани.

Психолозите велат дека ова пореметување во однесувањето, обично се воочува кај децата. Но се повеќе се дијагностицира и кај возрасните, вклучително и луѓето кои водат успешни животи. Да Винчи, на пример, постојано бил во движење, малку спиел, работел ноќе, бил леворак, веројатно, дислектичар, што се почесто одлики на луѓе со пореметување АДХД.