ПОСТИГНАТ ГОЛЕМ НАПРЕДОК ВО ДИЈАГНОСТИЦИРАЊЕТО НА ЕДЕН ОД НАЈСМРТОНОСНИТЕ КАРЦИНОМИ: Нов тест го открива со точност од 94 проценти

Тестот го развила компанијата Oxford Biodynamics во соработка со два универзитета.

Научниците од Универзитетот во East Anglia (UAE) помогнале да се развие нов тест на крвта за откривање на рак на простата, кој е попрецизен од досегашните методи. Новото истражување покажало дека крвниот тест за простата EpiSwitch (PSE) е 94 проценти прецизен, подобар од моментално користениот крвен тест за простата на специфичен антиген (PSA).

Овие научници веруваат дека новиот тест покажува голем потенцијал како брза и точна дијагностичка метода за откривање на рак на простата.

Тестот е развиен од Oxford Biodynamics во соработка со UEA и Imperial College во Лондон.

  • Крвен тест со поголема прецизност

Професорот Дмитриј Пшежецки, од Медицинскиот факултет UAE во Норвич, вели дека ракот на простата е најчестиот карцином кај мажите, а моментално не постои единствен тест. Најчесто се користат ПСА крвни тестови, заедно со прегледи, скенирање со магнетна резонанца и биопсија.

Резултатите од денешните ПСА тестови не се целосно сигурни, а само една четвртина од луѓето кои прават биопсија на простата поради покачено ниво на ПСА, навистина имаат рак. “Затоа има потреба да се создаде нов тест на крвта, со поголема прецизност“, вели проф. Пшежецки.

Споредувајќи ги резултатите со стандардниот ПСА тест, тие откриле дека новиот тест значително ја подобрува точноста на откривање на рак кај мажите кои спаѓаат во ризичната категорија за развој на рак на простата. ПСЕ тестот е брз и минимално инвазивен и покажува импресивна точност.