Стручњаците предупредуваат дека храната која ги содржи крајните производи на гликацијата, познати по кратенката АГЕ од англиското advanced glycation end-products, може да го забрза процесот на стареење на организмот.
АГЕ соединенијата настануваат при врзување на протеините или мастите со шеќерот. Претерано пржено, печено или месо на скара, сирење, како и пекарските производи содржат најмногу од овие штетни соединенија.
Доколку одвреме-навреме изедеме ваков вид храна тоа не би требало да има некои битни негативни последици врз организмот, но сепак би требало да се одбегнуваат – барем кога станува збор за редовното внесување на овие намирници.
Меѓу намирниците кои уште го поттикнуваат процесот на стареење спаѓаат и месните преработки, маргаринот, белиот шеќер, засладените газирани напитоци и алкохолните пијалаци.
