Човековиот организам секој ден произведува по 1,5 килограми слуз, а која најчесто ја голтаме и без да забележиме. Ако работите во загадена околина добро е редовно да го „чистите“ носот од секретот во кој се насобрале нечистотиите од воздухот. Во случај да не сте знаеле, постојат погрешен и правилен начин тоа да го сторите.
Лекарите советуваат да не се напрегате „од главата“, односно при „чистењето“ да не користите премногу сила.
Ако премногу силно го „издувате“ носот, постои ризик како резултат на јакиот притисок на воздухот кој го потиснувате низ носната шуплина (а чиј заден ѕид е поврзан за ушите) да пукнат тапанчињата. Премногу силното „чистење“ на носот може да предизвика крвавење, кога од преголем притисок пукаат крвните садови. Крвавењето во овој случај обично не е обилно, па така не постои сериозна опасност по здравјето.
Инаку, можете истовремено да ги исчистите двете ноздри, но ако постои девијација во септумот (преграда меѓу носниците која се состои од ’рскавица и коска), овој начин ќе биде далеку потежок и помалку делотворен. Затоа се препорачува прво да се исчисти едната, па другата ноздра.
Лекарите најчесто предлагаат испирање на носот со физиолошки раствор или раствор од морска сол кој треба да го омекне секретот од носот и да го олесни неговото исфрлање.
