Менопаузата е состојба која често се споменува кај жените и ја одбележува период од животот кога се намалува плодноста кај жената, а самиот збор буквално означува престанок на месечниот менструален циклус. Во животот на жената тој процес настапува и се одвива релативно брзо и сосема јасно се манифестира најпрво со проретчување на месечните циклуси, за конечно да дојде до целосно немање на менструален циклус. Секако, со самото тоа се појавуваат и низа придружни промени во телото и во психолошкиот профил на жената.
Истиот процес се слушува и кај мажите, но тој е поспор во своето појавување и всушност претставува долготраен процес на намалување на излачувањето на машкиот полов хормон – тестостерон. Климактериумот кај мажите – андропауза, нема, како што е тоа случај кај жените, јасно изразен почеток со какви било нагли надворешни манифестации.
Намалувањето на лачењето на тестостеронот се случува постепено, низ годните, а почетокот на тој процес е многу индивидуален.
Погрешно е мислењето дека тестостеронот ја одредува само функцијата на плодноста и на половиот нагон (либидо), како и сексуалната потенција. Многу други разни функции во телото и во психата на мажот се тие кои го подржуваат во текот на целиот живот со помал или поголем интензитет. Тестостеронот недиректно преку своите деривати, делува речиси на сите органи – кожата, црниот дроб, мозокот па, со тоа и на психичките функции), мускулите, коските и зглобовите, бубрезите, уринарниот тракт, коскената срцевина и создавањето на крвни зрнца, и конечно на самите полови органи.
Така, и постепеното намалување на расположивиот тестостерон се рефлектира на слабеењето на многу функции и тоа кај здравиот маж – тука зборуваме за природниот и неизбежен процес на стареење.
Поради постепеното намалување на мускулната маса и дегенеративните промени во коскениот и системот на зглобовите, се намалува телесната издржливост, брзина и покретност, како и остепорозата која не е ексклузивно болест на жената. Намалувањето на бубрежната функција и нарушувањето на уредната функција на мокрењето што делумно се манифестира и со зачестено мокрење навечер. Се развива анемија во повозрасниот период. Со текот на времето стануваат манифестни и бројни психички промени како намалување на концентрацијата, раздразливост, разни облици на пореметување на спиењето, замор и недостаток на мотивација проследен со општо слабеење на волјата.
Сепак, најинтересни се промените во сексуалната сфера на мажот кои тој редовно, поради неизбежно неповолниот развој на случувањата, по правило ги премолчува и ги крие. Губењето на интересот за спротивниот пол, исто така, се развива постепено и не станува збор за целосно губење на интересот во секој поглед. Тој подобро ќе забележи и ќе прокоментира присуство на нему атрактивна жена, но со многу помал жар и подготвеност за акција на заведување. Дотолку повеќе коментарите за жените и сопствените животни „победи“ може да бидат и на претек. Сепак, таквото однесување во сериозната доба, веројатно, е пред се, одраз на прикривање и сеќавање на некои времиња кои поминуваат или веќе поминале. Во таа смисла, не само сексуалната моќ, туку и самодовербата значајно се намалуваат.
Процесот на појавата на андропаузата по правило е долг и постепен, а мажот помалку или повеќе го прикрива и го одбива, така што не е можно конкретно да се каже кога паузата почнала, ниту колку долго ќе трае гаснењето на таа функција.
