ПОТРЕБНО Е САМО ДА СЛЕДИТЕ 4 ЧЕКОРИ: Млад мозок може да имате и на постара возраст

Колку е стар вашиот мозок? Се чини дека и тој може да биде и стар и млад, независно од тоа колку годините имате вие.

“Токму тоа е една од најважните работи кои можете да ги направите за себе за да го намалите ризикот од когнитивни проблеми“, вели д-р Марк Милстејн, невролог. Не морате долго да се прашувате како тоа да го постигнете бидејќи за вас ги пронајдовме најважните совети.

УЖИВАЈТЕ ВО ПРОШЕТКА СО ПРИЈАТЕЛИТЕ

“Луѓето кои пешачат околу 30 минути дневно имаат 60 отсто помал ризик од деменција“, открива неврологот и додава дека постојано се нудат нови студии кои покажуваат дека некои вежби се подобри од други, но ако штотуку сакате да зачекорите во светот на физичката активност, тогаш пешачењето е најдобрата опција за почеток, како за целокупното здравје, така и за здравјето на мозокот. Доколку сепак сакате да го искористите најдоброто од прошетка, д-р Милстејн советува тоа да го правите во друштво на пријатели и тоа најдобро наутро за да уживате и во сонцето, чии зраци ќе влијаат на подобрување на расположението, фокусот, метаболизмот и сонот. Општеството е важно и за здравјето, а ако сте осамени, поканете пријател да се прошета заедно. Чувството на осаменост е поврзано со двоен ризик од развој на деменција. Една од причините е токму и таа што ќе го заштитите целокупното здравје уживајќи во друштво на пријатели.

ОДЕТЕ ПО СКАЛИ

Слично како и прошетката и пешачењето, експертите забележуваат дека луѓето кои одат по скали наместо со лифт до нивниот стан имаат помлад мозок. Ако навистина немате време секој ден да шетате низ маалото каде живеете, едноставно одете по скали.

“Лично верувам дека пешачењето е еден од најпотценетите начини на активности за слабеење. Не само што ќе ги зацврстите нозете, туку и вашето срце ќе работи подобро, што секако ќе придонесе за вашето здравје“, објаснува тој. Освен тоа, олеснителна околност е тоа што не мора да одите во теретана или да вежбате дома; ако имате избор помеѓу скали или лифт – изберете ги скалите и долгорочно ќе ви се исплати.

ЈАДЕТЕ ШАРЕНО

Списокот на здрави намирници е толку долг што лесно можете да ви се заврти во главата, но постои едно најважно правило – вклучете овошје и зеленчу на чинијата. Постојат различни истражувања кои велат дека различните бои на чинијата се одличен избор за дигестивниот систем и здравјето на мозокот.

“Чинија полна со овошје и зеленчук, а со тоа и антиоксиданти и витамини е исто така најдобар начин да се заштити здравјето на мозокот“, заклучува неврологот.

ОДМОРАЈТЕ

Според зборовите на овој експерт, за мозокот е важно да се земе пауза, иако денес сите сме подготвени да работиме и само да работиме затоа што тоа се очекува од нас. Но, одморот е подеднакво потребен ако сакаме да бидеме здрави.

Многу поуспешни се оние на кои им е приоритет здравјето токму затоа што ретко ќе изгорат на работа – затоа што се одморени.