Како што покажале резултатите на новото истражување, благодарение на примената на генетското тестирање, кај повеќето жени со ран стадиум на рак на дојка може да се избегне примената на токсична хемотерапија која може да предизвика губење на косата, неплодност, хронична болка, па дури и смрт.
Според мислењето на експертите, употребата на персонализирана терапија во лекувањето на рак на дојка е сега реалност, а деновите на несигурност се минато
Ова истражување покажало дека кога се спроведува генетско тестирање, примената на хемотерапијата може да се избегне во 70 отсто од случаите.
Во текот на истражувањето пациентките биле тестирани со помош на Oncitype DX тест, кој анализира 21 маркер на гени, кои можат да влијаат на тоа како ракот ќе се однесува и како ќе реагира на лекувањето. Резултатите од тестот во комбинација со други карактеристики на карциномот може да помогнат во донесување на одлуката дали треба да се примени хемотерапијата за лекување, пишува „New England Journal of Medicine“.
