Безволни сте, немате енергија, постојано ви се спие? Повремениот умор не е загрижувачки, но ако се случува на дневна база може да укажува на проблем, па е неопходна посета на лекар или промена на животните навики. Ова се некои од причините кои можат да предизвикаат ниско ниво на енергија кај припадниците на посилниот пол.
Исхрана – Недостатокот на внес на сите потребни нутритиенти може да резултира со умор. Исхраната на база на зеленчук, житарки и протеини го поткрева нивото на енергија.
Ниско ниво на тестостерон – Примарниот машки сексуален хормон игра важна улога врз физичкото и менталното здравје, како и врз нивото на енергија. Како старее мажот така нивото на тестостерон природно опаѓа. Ниските нивоа можат да резултираат со безволност, замор, па и депресија. Други симптоми на намален тестостерон се тешкотии во концентрацијата, анемија, еректилна дисфункција, топлотни бранови.
Вежбање – И премногу и премалку вежабње носи исти последици – замор. Вежбањето го подига нивото на адреналин и енергија, но само до одредена граница. Ако претерате, нивото повторно се спушта.
Пореметување на дишењето за време на сонот – Ако многу ви се спие во текот на денот причината би можела да биде престанувањето на дишењето во сонот, кое може да се повторува во текот на ноќта и да трае и до 10 секунди. Синдромот е почест кај мажите и дебелите луѓе. Симптомите на овој синдром се гласно – ’рчење, немирен сон, утрински главоболки, депресија, анксиозност, нервоза.
Несоница – Честа е кај постарите, но може да ги погоди мажите од која било возраст. Причините можат да бидат физички, емотивни и психички.
Анемија – Недостатокот на железо се гледа во постојаниот замор. Можеби виновник е лошата исхрана, но недостатокот на железо може да резултира и со крвавење во гастроинтестиналниот тракт.
Штитна жлезда – иако жените се посклони на болести на штитната жлезда, и мажите можат да заболат. Симптомите на нејзина забавена работа се умор, безволност, но и постојано чувство на студ.
