ПРАВА НА ПАЦИЕНТИ: Задолжителна вакцинација (2)

Во 2016 година, примарната вакцинацијата во Република Македонија бележи благ пораст на опфатот во однос на претходната година, со исклучок на МРП вакцината, додека во однос на ревакцинацијата, опфатот го задржува трендот на опаѓање.

Задолжителната имунизација во Република Македонија со години и децении наназад се спроведуваше со висок опфат ≥95% за повеќето вакцини, согласно препораките на Светската здравствена организација (СЗО) и други референтни меѓународни институции. Меѓутоа, од 2014 година се бележи пад на опфатот и кај примарната вакцинација и кај ревакцинацијата во однос на претходните години. Tрендот на намалување на опфатот на вакцинацијата и ревакцинацијата се одржува и во текот на 2015 година. Во 2016 година, примарната вакцинацијата во земјава бележи благ пораст на опфатот во однос на претходната година, со исклучок на МРП вакцината, додека во однос на ревакцинацијата, опфатот го задржува трендот на опаѓање.


Имунизацијата против одредени заразни болести се спроведува како:

Задолжителна активна имунизација на лица на одредена возраст,која се спроведува континуирано, во текот на целата година против: акутен вирусен хепатит Б (Hepatitis B), туберкулоза (Tuberculosis), заболувања предизвикани од хемофилусинфлуенца тип Б (Hib), дифтерија (Diphtheria), тетанус (Tetanus), голема кашлица (Pertussis), детска парализа (Poliomyelitisacuta), мали сипаници (Morbilli), заразни заушки (Parotitisepidemica), црвенка (Rubeоla) и инфекции предизвикани од хуман папилома вируси (HPV) за сите лица на одредена возраст согласно Календарот за имунизација.


Имунизација против заболувања причинети од Хемофилус инфлуенца тип Б

Имунизација против заболувања предизвикани од хемофилус инфлуенца тип Б се врши со давање на три дози на вакцина против заболувања предизвикани од Хемофилус инфлуенца тип Б (Hib вакцина) како примовакцинација и една доза Hib вакцина како ревакцинација, во вид на поединечна вакцина или во состав на поливалентна вакцина.

Вакцинација се врши:

  • На сите деца родени од 01.11.2017 до 31.10.2018, до навршени 6 месеци од животот, со давање на три дози Hib вакцина на растојание од 1 до 3 месеци.
  • На сите деца со навршени 6 месеци од животот кои претходно не биле вакцинирани, со давање на две дози вакцина на растојание не пократко од еден месец, а најдоцна до навршени 12 месеци.
  • Децата кај кои примоимунизација се спроведува со поливалентни вакцини во чиј состав е и ХИБ вакцината, и доколку наместо со полни 2 месеци, се започне покасно над 6 месеци до 12 месеци, ХИБ вакцината се спроведува со давање на три дози.
  • На сите деца со навршени 12 месеци од животот кои претходно не биле вакцинирани, со давање на една доза вакцина, најдоцна до навршени 5 години.
  • Доколку децата, кај кои примоимунизација се врши со поливалентни вакцини во чиј состав е и ХИБ вакцината, ја започнуваат покасно, со навршени 12 месеци, ХИБ вакцинацијата се спроведува со давање две или три дози зависно од претходниот вакцинален статус.

Ревакцинација се врши:

  • На сите деца кои се примовакцинирани до 12 месеци возраст, со една доза Hib вакцина која се дава 6 месеци од последната примена доза, препорачливо до навршени 18 месеци.
  • Доколку примовакцинацијата не се заврши до препорачаните 12 месеци возраст, и ревакцинацијата не може да се спроведе до препорачаните навршени 18 месеци возраст, ревакцинација се може да се спроведе подоцна.

Имунизација против детска парализа

Задолжителна активна имунизација против детска парализа се врши со давање:

  • Три дози вакцина против детска парализа со жива двотипна орална полио вакцина (во понатамошниот текст: OPV2), и/ или мртва тритипнаинактивиранаполио вакцина (во понатамошниот текст: IPV) како поединечна или во состав на поливалентни вакцини како примовакцинација.
  • Една доза на OPV2 или IPV како поединечна или во состав на поливалентна вакцина,како I (прва) ревакцинација.
  • Една доза на OPV2 или IPV како II (втора) и III (трета) ревакцинација

Вакцинација се врши:

  • На сите деца родени од 01.11.2017 до 31.10.2018, на возраст определена со Календарот за имунизација.
  • На сите сите деца родени 2004 година наваму до 31.10.2017 година, кои порано не биле вакцинирани против детска парализа.

Ревакцинација се врши:

  • На сите деца комплетно вакцинирани против детска парализа во 2017 година, ако од потполната вакцинација поминала една година.
  • На сите деца на 7-годишна возраст, односно во II (второ) одделение од основното образование, кои претходно биле вакцинирани и ревакцинирани според Календарот за имунизација.
  • На сите деца на 14-годишна возраст, односно во завршното одделение на основното училиште, кои претходно биле вакцинирани и ревакцинирани според Календарот за имунизација.

                                                                                                           (Продолжува)