Правилата за здрав и среќен живот, секако, се избалансирана храна и физичка активност, но тоа не е се! Познатиот неврохирург Александер Влад Ќирије вели дека без следните 10 работи тешко дека ќе ја остварите оваа цел:
Кој станува рано, сигурно ќе биде здрав
Будете се што е можно порано, ако можете и со првите петли. Секако, 9 часот е крајна граница, во спротивно цел ден ќе зевате и ќе бидете уморни.
Свежиот воздух гарантира здрав мозок
Трудете се повеќе време да поминувате на свеж воздух и што е можно почесто да ги проветрувате просториите во кои престојувате. Мозокот мора да добива доволно кислород!
Движењето значи живот
На работа паузата искористете ја за прошетка, па дури и лесни вежбички. Телото ќе ви биде благодарно, а вие подобро ќе се чувствувате.
Денот почнете го со утринско туширање
Ќе се расоните, освежите, ќе го поткренете духот и ќе ја „убиете“ депресијата!
Појадокот е време за потполн одмор
Првиот оброк треба да се јаде во тишина, без телефон, весник, телевизија… Фокусирајте се на храната, и брзо ќе го поправите варењето.
Здравјето е во филџанот
Чајот или кафето пијте ги полека, никако „на трчање“. Исто како и со појадокот, уживајте во омилениот напиток во мир.
Смејте се
Колку почесто – толку подобро! Мозокот можете лесно да го измамите, насмејте се како сигнал дека се е во ред, па дури и ако не е, и мозокот ќе го намали нивото на хормонот на стрес во телото!
Ручекот мора да биде лесен
Поделете ја порцијата ручек со пријателот, како во онаа добро познатата изрека. Подобро е малку да сте гладни, отколку прејадени. Не го терајте телото да работи непотребна работа.
Вечерата треба да биде уште полесна
Еве уште една добро позната изрека – Вечерата дајте му ја на непријателот! Вечерните оброци треба да бидат најлесни затоа не би требало да внесувате храна која е тешка за варење, како месо и месни преработки. Оставете го телото да се одмори. Исто така, навечер не би требало да пиете алкохол затоа што ќе ви го уништи сонот.
Спиењето е светост
Во модерното општество повеќето луѓе спијат малку за да имаат повеќе време за останатите активности. Но ова е потполно погрешен пристап, затоа што спиењето е еднакво важно како и храната и воздухот. Во кревет морате да сте најдоцна до полноќ, предупредува доктор Александер.
