Правилната превенција го намалува ризикот од малигни заболувања

Луѓето кои се физички активни, не пушат, на пијат и се хранат здраво имаат многу помали шанси да добијат рак

Малигните заболувања можат да се намалат доколку секој човек е запознат и ги применува правилата за правилна превенција против ракот. Примарната превенција е нешто за кое многу малку се зборува, а може да спаси илјадници живото годишно од злокобните болести. Вклучува неколку активности кои ги препорачува Европскиот кодекс против ракот, преку кои се намалува можноста за заболување од карцином.

Следните 12 препораки за превенција против ракот треба да се применуваат сите заедно и што почесто

  • Не пушете
  • Не дозволувајте пушење во домот или на работното место
  • Одржувајте ја телесната тежина на нормално ниво
  • Бидете физички активни во секојдневниот живот и ограничете го времето кое го минувате во седечка позиција
  • Хранете се здраво, во секојдневните оброци вклучете што повеќе интегрални житарки, мешунки, зеленчук и овошје, а ограничете ја висококалоричната храна богата со шеќер и маснотии. Избегнувајте газирани пијалоци и сувомеснати производи
  • Умерено кунсумирајте алкохол, а доколку воопшто не пиете, уште повеќе го намалувате ризикот од малигни заболувања
  • Избегнувајте прекумерно изложување на сонце, особено на децата и употребувајте заштитни креми. Никако не користете солариум
  • Доколку работите ризична работа, почитувајте ги безбедносните правила за да се заштитите од состојки кои предизвикуваат карцином
  • Дознајте дали во домот сте изложени на зрачење од природно високи нивоа на радон
  • Мајките кои можат задолжително да ги дојат своите деца, бидејќи на тој начин го намалуваат ризикот за добивање малигна болест. Да се ограничи земањето и времетраењето на хормонските терапии
  • Вакцинирајте ги децата против хепатитис Б и ХПВ
  • Вклучете се во организираните програми за рано откривање на рак