Погледнете кои се симптомите на стрес и како да се ослободите од нив.
Симптоми
- Чести главоболки и стискање на вилицата или болка;
- Чкрипење со забите;
- Пелтечење и прекинување на говорот;
- Треперење на телото, треперењето на усните, рацете;
- Болка во вратот, грбот и мускулни грчеви;
- Лесна зашеметеност, слабост, вртоглавица;
- Тинитус (зуење во ушите) или други непостоечки звуци;
- Често црвенеење и прекумерно потење;
- Ладни раце или испотени дланки;
- Сува уста и проблеми со голтањето;
- Чести настинки, херпес и инфекции;
- Чести осипи и необјасниво чешање;
- Посилни и почести напади на алергија;
- Киселина, абдоминална болка, гадење;
- Прекумерно подждригнување, надуеност и ветрови;
- Дигестивни проблеми, чест запек или дијареја;
- Отежнато дишење, често воздивнување, недостаток на воздух;
- Ненадејни напади на паника;
- Болка во градите, чукање на срцето;
- Често мокрење и необјаснива жед.
Пет методи на борба против стресот
Постојат пет методи со кои можете да се борите против стресот, вели познатиот американски психолог д-р Френк Лаулис. Најпрво, мора да ги запрете стресните мисли, а вториот чекор е отфрлањето на стресот, кој самите сте си го натовариле. „Поминете низ дневниот распоред или стресната ситуација и запрашајте се колку е тоа воопшто важно. Постојат работи кои лесно можеме да ги отфрлиме“, советува д-р Лаулис.
Третата техника е работа на позитивно размислување и подигање на енергијата. Еден од начините за тоа е редовното вежбање, но и најмалку половина час релаксација. Одвојте време да вежбате на новото „Јас“, т.е. на новиот начин на размислување и прославете кога ќе се изборите против стресот. Имајте на ум дека сите реагираат поинаку на стресот и дека кај секој сите методи нема да делуваат исто. Некој, на пример, се релаксира со трчање, а за некој трчањето предизвикува уште поголем стрес.
Најпрво мора да ги запрете стресните мисли
Стимулирајте го парасимпатичниот нервен систем со длабоко дишење. Обидете се да дишете од дијафрагмата и користете ги двете ноздри. Замислете дека вдишувате „добар“ или „чист“ воздух, а ги испуштате сите отрови и лоши мисли од телото. Визуелизирајте го исфрлувањето на лошиот здив. Целта на прогресивната релаксација, која ја развил д-р Едмунд Џејкобсон е да научите постепено да го опуштате телото. Тргнете од дланките, рацете, рамената, вратот, лицето, грбот, стомакот, нозете, стапалата и задникот. Стегајте ги и опуштајте ги мускулите точно по тој редослед. На тој начин ќе го „присилите“ телото да се смири.
