Лицата кои бараат третман за депресија треба да бидат информирани и за потенцијално тешките и долготрајни нуспојави кои доаѓаат со ваквиот вид на лекови, особено кога постепено почнуваат да ја исклучуваат терапијата, велат стручњаците.
Во резултатите од последното истражување се вели дека насоките за престанок на лекување со антидепресиви треба да одразуваат цела низа на искуства на пациенти.
Насоките сугерираат дека повеќето лица треба да бидат во состојба да престанат да користат антидепресиви во период од 4 недели, а ако не успеат треба да се обратат кај стручно лице за помош.
Исто така, очигледно е, велат лекарите, дека некои лица може да трпат тешки симптоми подолго време. На пример, проблеми со спиењето, немир и променети сетила.
“Знаеме дека се работи на ажурирање на насоките во врска со употребата на антидепресиви кои треба да се усогласат со она што го слушаме од пациентите и лекарите од општата пракса. Како психијатри, обврзани сме во предвид да ги земеме проблемите на пациентите кои искусиле тешки и долготрајни нуспојави од овие лекови“, вели д-р Венди Брн, од Меѓународниот институт за здравје во Велика Британија.
