Најмалку една од десет личности кои често слушаат музика на мп3 не се штеди да го зголеми звукот до крај не размислувајќи дека таа јачина предизвикува поголеми оштетувања на слухот отколку работата на градилиште. Прегласното слушање музика на мп3 плеер го оштетува слухот повеќе од пневматска дупчалка, која произведува просечен звук од 110 децибели, покажало едно британско истражување.
Исто така, еден од шест испитаници слуша погласно музика на својот мп3 отколку што се создава врева за време на полетување на авион, востановиле истражувачите. Од друга страна, и кога звукот на слушалките е подесен така да стои на средина и понатаму се создава оштетување затоа што јачината на овој звук одговара на вревата што би ја произвел вресок на стотина деца во исто време.
На прашањето дали се свесни за оштетувањата кои ги прави нивното омилено хоби, повеќето испитаници не знаеле што да одговорат, туку само се смешкале. А со оглед на тоа дека работниците на градилиштата носат заштита за ушите додека ја обавуваат работата, би требало сериозно да размислиме за тоа колку самите си штетиме на слухот додека уживаме во омилената музика и да се запрашаме дали толкава бука ни е потреба, порачуваат стручњаците.
