Меѓутоа покрај редовните контролни анализи кај лекарите од општа пракса (биохемија, мерење крвен притисок…) прегледите кај офталмолог и гинеколог, лекарите истакнуваат дека жените постари од 50 години неопходно е најмалку еднаш годишно да ја проверат состојбата на дојките, коските и дебелото црево.
Еве кои прегледи морате обавезно да ги направите:
Мамографија
Високата смртност од рак на дојка, пред се, се должи на касното откривање на болеста, односно изостанокот на превентивни прегледи. Токму затоа жените до менопауза мамографија треба да прават еднаш во две години, а потоа еднаш годишно.
Скенирање на густината на коските
Во менопауза јајниците престануваат да создаваат естроген кој ги штител коските и тогаш започнува процеот на нагло губење на коскената маса, што доведува до зголемен ризик од остеопороза. Со мерење на густината на коските (остеодензотометрија) ќе добиете информации за цврстината на коските, а врз основа на резултатите консултирајте се со лекар. За да ги зајакнете коските, потребно е секојдневно да внесувате доволно калциум и витамин Д, престанете да пушите и вежбајте три до четири пати неделно. Утврдено е дека личностите над 50 години кои во поголемиот дел од живот се бавеле со спорт, имаат погусти коски од останатите.
Сигмоидоскопија
Се работи за тест за откривање на окултното крвавење од столицата, односно крвавење кое не е видливо со голо око, а може да укаже на многу болести на дигестивниот тракт, вклучително и рак на дебелото црево. Ако никогаш порано не сте го направиле овој преглед, кога ќе наполните 50 правете го еднаш годишно. Во случај тестот да е позитивен, следниот чекор е колоноскопија.
