Јодот е елемент во трагови кој е клучен за многу животни функции бидејќи учествува во происзводството на хормоните на штитната жлезда.
Јодот е важен и за работата на имуниот систем, како и за бременоста. Некои истражувања покажале дека во бременоста доволната количина на јод е важна за нормален коефициент на интелегенција на детето. Јодот има антибактериско, антивирусно и антигабично дејство, па се користи како антисептик и дезинфициенс.
За жал, на една третина од светската популација и се заканува ризик од недостаток на јод, а најкритични групи се:
- Бремени жени
- Оние кои живеат во земји каде солта содржи премалку јод
- Лица кои не јадат сол
- Вегетаријанци и вегани
Гушавост или зголемување на штитната жлезда е меѓу најчестите симптоми на недостаток на јод, а се препишува на недоволната количина јод во исхраната. Недостатокот со тек на време може да доведе до хипотиреоза (намалено лачење на хормонот на тироидеата), но и хипертиреоза (претерана активност на штитната жлезда). Дефицитот од овој минерал може да предизвика непријатни, а понекогаш и сериозни симптоми.
СИМПТОМИ НА ДЕФИЦИТ НА ЈОД
Отекување на вратот: Отекување на предниот дел на вратот е вообичаен симптом на недостаток на јод.
Дебелеење: Дефицитот на јод ја забавува работата на метаболзимот и го поттикнува телото да ја претвора ханата во масно ткиво, наместо да ја троши за енергија. Тоа може да доведе до дебелеење.
Замор и чувство на слабост: Ова се симптоми кои може да упатуваат на недоволно јод во органзимот, кому му недостасува минерал за енергија.
Паѓање коса: Хормоните го помагаат растот на косата,а дефицитот на јод може да ја забави регенерацијата на фоликулите.
Сува кожа: Јодот исто така учествува во регенерација на клетките на кожата, па неговиот недостаток може да доведе до проблеми со кожата.
