Препознајте ги симптомите на гениталниот херпес и навреме побарајте помош

Причинител на гениталниот херпес во најголемиот број на случаите е herpes simplex вирусот тип 2, HSV 2,  додека во помал број од случаите тоа е herpes simplex вирусот тип 1, HSV 1.

Гениталниот херпес е честа полова пренослива болест која ја предизвикува herpes simplex вирусот. Причинител на гениталниот херпес во најголемиот број на случаите е herpes simplex вирусот тип 2, HSV 2,  додека во помал број од случаите тоа е herpes simplex вирусот тип 1, HSV 1. Уделот на гениталните инфекции предизвикани од HSV 1 е во постојан раст, како израз на постојано менување на сексуалните навики.

Гениталниот херпес се пренесува преку сексуален контакт (орален, вагинален или анален). Ризикот за ширење на инфекцијата е најголем кога веќе се видливи знаците на активната болест.

Кои се симптомите?

Се смета дека околу 30 отсто од возрасните луѓе се заразени со вирусот тип 2, додека, пак, симптомите на болеста се јавуваат кај околку половината од нив. Поголемиот дел од луѓето кои се носители на вирусот, но нема да развијат никакви симптоми на болеста, веројатно никогаш нема да бидат свесни дека се носители. Истражувањата покажале дека жените, кои се во најголема опасност за развивање на болеста во 47 отсто од случаите и самите се носители на вирусот.

 

Времето на инкубација (од контактот со појавата на симптомите) е од три до осум дена. Симптомите се особено изразени во случај на примарна инфекција, а се манифестираат со пецкање и нелагодно чувство на напнатост на кожата (слузницата) во пределот на гениталиите. Еден од симптомите се и меурчињата, кои по ден-два пукаат и оставаат ситни и болни ранички на слузницата или на кожата, пропратени со зголемена температура. Раничките заздравуваат за десетина до дваесет дена.

Најчесто, гениталниот херпес кај жените ги зафаќа матката, срамните усни, задникот, анусот и бутините. Симптомите при рецидивот се најчесто поблаги и со пократко траење, најмногу до десет дена. Промените во гениталиите при гениталниот херпес обично се проследени со болки во лимфните јазли во препоните, како и пецкање при мокрењето.

Вирусот се пренесува од мајката на новороденчето во текот на раѓањето, па кај мајките со чест рецидив на генитален херпес се препорачува раѓање со царски рез.