Светската здравствена организација (СЗО) ја наведува промената на свесноста или збунетоста како можен ран симптом на КОВИД-19, во некои случаи дури и пред појавата на температура и кашлица.
Може да се појави и делириум како и халуцинации, кои може да имаат долгорочни последици како забавување на опоравувањето и зголемување на ризикот за деменција, депресија и пост-трауматски стрес.
Проблемот не е воочен само кај ментално послаби возрасни лица, туку и многу млади пациенти ги имале овие симптоми. Студиите покажуваат дека помеѓу 60 и 75 проценти од пациентите кои поради КОВИД-19 биле на интензивна нега, доживеале различни пореметувања во средишниот нервен систем. Забележани се и халуцинации, некои пациенти се повлекуваат во себе, а некои се збунети или раздразливи.
ВООБИЧАЕНИ СИМПТОМИ
Некои од познатите и општи знаци на КОВИД-19 исто така може да бидат опасни.
- Неможност за длабоко дишење или краток здив
Краткиот здив обично не е ран симптом на КОВИД-19, но е најсериозен. Може да се појави и самостојно, без кашлица. Ако почувствувате притисок на градите и не сте во можност да дишете доволно длабоко, за белите дробови да се наполнат со воздух, треба веднаш да повикате лекар или Брза помош.
- Зголемена температура
Треската е клучен знак за КОВИД-19, но не треба да се фокусирате на одредена бројка на термометарот. На многу луѓе нормална телесна температура им е под или над вообичаените 37 степени Целзиусови.
Но, за повеќето деца и возрасни зголемената температура не се смета за треска се додека не достигне над 37,7 степени.
“Постојат многу заблуди за треската. Телесната температура на сите нас ни варира во текот на денот, дури и за половина и до цел степен. За повеќето луѓе 37,2 или 37,5 степени не се показатели дека имаат треска“, вели д-р Џон Херман. Според него, еден од најчестите показатели за треска е пораст на температурата во доцните попладневни и раните вечерни часови и додава дека ова е чест начин на кој вирусот предизвикува треска.
- Исцрпувачка кашлица
Кашлицата е еден од вообичаените симптоми на новиот коронавирус, но не секоја кашлица, туку онаа напорна и исцрпувачка кашлица која се чувствува длабоко во градите.
“Не е тоа како кога ве гребе грлото, па кашлате да го прочистите, не се работи за надразба. Оваа кашлица доаѓа од градната коска и се чувствува како бронхијалните цевки да се воспалени или иритирани“, објаснува д-р Вилијам Шафнер.
Околу 60% од заразените со КОВИД-19 доживеале сува и постојана кашлица. Со влошување на состојбата, белите дробови се полнат со течност, а тоа може да ја промени природата на кашлицата.
- Болки во телото и студенило
Стручњаците велат дека немаат сите пациенти вакви симптоми. Некои чувствуваат силни болки во телото и студенило, а други пак може да почувствуваат благ замор и болки во зглобовите и мускулите.
Поради сличноста на симптомите, ова го отежнува откривањето дали некој боледува од грип или бил изложен на новиот коронавирус, а еден од знаците дека сепак станува збор за КОВИД-19 е ако по една недела симптомите не се подобруваат, туку стануваат уште полоши.
- Исцрпеност
Кај некои лица и силниот замор може да биде ран показател на зараза со коронавирусот. Според СЗО, од речиси 6.000 лабораторски потврдени случаи, 40% од пациентите почувствувале огромна исцрпеност. Заморот може да потрае долго и откако виурсот ќе исчезне.
- Пролив и мачнина
Желудочните тегови кои често се јавуваат кај грипот, науката на почетокот не ги поврзувала со КОВИД-19, бидејќи се работи за респираторна болест. Но, како се зголемувал бројот на истражувања, а вирусот бил пронајден и во примероци на столица, тоа мислење се промени. Научниците открија дека SARS-CoV-2 може да ги зарази и клетките во цревата и таму да се размножи.
- Воспаление на грло, главоболка и затнат нос
Болката во грло и главоболката се сметаат за втор степен на симптоми кои на лекарите може да им укажат на потребата за тестирање на пациентот за КОВИД-19. Овој степен се појавува која кај пациентот ќе се појават и други два од симптомите како студенило, треска, болки во мускулите,аносмија.
