ПРЕПОЗНАЈТЕ ГО: Овој необичен симптом може да биде прв знак на рак на хранопроводот, а може за тоа и да не сте свесни

Чувството дека храната оди во “погрешна насока“ може да предизвика голема непријатност, но лекарите откриваат дека дисфагијата (отежнато голтање) обично е прв симптом за рак на хранопроводот.

Ракот на хранопроводникот е малигно заболување кое се јавува во ткивото на хранопроводникот, цевчест орган преку кој храната и течностите поминуваат од устата до желудникот. За жал, како и многу видови на рак, не се открива лесно, но еден необичен симптом може да биде знак за рак на хранопроводникот.

Чувството дека храната оди “во погрешна насока“ може да предизвика многу непријатности, но лекарите откриваат дека дисфагијата (отежнато голтање) обично е првиот симптом на рак на хранопроводникот.

Според д-р Дебора Ли, раното откривање може да ја подобри стапката на преживување, но знаците на болеста “тешко се забележуваат“ и затоа е толку важна свесноста за симптомите.

“Ракот на хранопроводот обично започнува на долниот крај на органот. Ракот таму се развива  веројатно затоа што е тоа место на рефлукс на киселините, а  расте бавно во оваа високо кисела средина. Како што расте, го блокира долниот дел од хранопроводникот, што значи дека голтањето станува тешко“, објаснува д-р Ли.

Со оглед на тоа дека е во прашање храна, објаснува д-р Ли, може да се појават и други симптоми, како мачнини и проблеми со варењето. Исто така, може да го изгубите апетитот и резултатот може да биде губење на тежината.

Други знаци на рак на хранопроводникот се:

  • Жиговина или рефлукс на киселини
  • Симптоми на дигестивни пречки (како подригнување)
  • Кашлица која не престанува
  • Засипнат глас
  • Чувство на замор или недостаток на енергија
  • Болка во грлото или во средината на градниот кош (особено при голтање).

Доколку забележите било кои од овие симптоми, советуваат веднаш да се обратите кај матичниот лекар.

Како да го намалите ризикот од овој тип на карцином?

Можете да го намалите ризикот најмногу со менување на начинот на живот.

“Време е да престанете да пушите, да го намалите внесот на алкохол и да ослабете“, вели д-р Ли.

Таа истакнува и дека е важно да се има исхрана богата со свежо овошје и зеленчук. Бидете сигурни дека секој рефлукс е правилно третиран и не пијте премногу топли пијалаци.

Кои се причините за рак на хранопроводот?

Цигарите и алкохолот може да го зголемат ризикот од развој на рак на хранопроводникот. Исто така, состојбата наречена Баретов симптом, а се работи за промена на клетките во долниот дел на хранопроводникот, често предизвикана од рефлукс, исто така може да доведе до развој на рак на овој орган.

Кои се најчестите форми?

Постојат два вообичаени типа на рак на хранопроводникот: планоцелуларен карцином и аденокарцином. Планоцелуларниот  карцином настанува во клетките на слузницата што го обложува хранопроводникот одвнатре и често се наоѓа во горниот дел на хранопроводникот. Од друга страна, аденокарцином обично настанува во долниот дел на хранопроводникот во близина на желудникот.