Една од пет личности ќе се соочи со депресија во некој момент на својот живот. Но, како да направите разлика помеѓу обично нерасположение и сериозен психолошки проблем?
Депресијата може да се искаже на различни начини, и затоа е важно добро да се знае кои се показатели на оваа болест. Психолозите тврдат дека жените и мажите депресијата на изразуваат на различен начин. Додека мажите најчесто се соочуваат со несоница, жените обично премногу спијат. Мажите губат апетит, додека жените најчесто јадат многу повеќе од вообичаено и таложат килограми, а и почесто се соочуваат со силно чувство на вина.
Еден или повеќе од следниве симптоми може да биде знак дека сте депресивни:
- Пореметен сон, било да е во прашање премногу спиење или будење во сред ноќ и рано наутро без причина, со неможност да продолжите да спиете
- Недостаток на концентрација, дури и кога не сте ангажирани со нешто сериозно, туку само читате или гледате ТВ
- Чувство на безнадежност и беспомошност
- Често чувство на исцрпеност и недостаток на енергија
- Зголемена нетрпеливост, недоволно трпение и склоност кон лесно вознемирување и нервоза
- Промени во исхраната, било да се работи за зголемен апетит или губење на волја за храна
- Помислување за самоубиство и уверување дека животот не е вреден за трудот, се знаци за сериозна депресија
