Пресметајте кога точно мора да си легнете и дали спиете доволно за вашите потреби

Колку спиевте ноќеска? А, како спиевте ноќта пред тоа? Колку сон всушност ни е потребен? Ви ги донесуваме одговорите!

Да ги следите навиките на спиење можеби и не е ваш приоритет, но доволната количина на сон е многу важна за целокупното здравје.

Иако времето на будење за многумина е однапред одредено, времето на легнување може да зависи и од многу фактори. Но, ако знаете кога мора да станете и колку сон ви е потребно за добро да функционирате следниот ден, лесно е да откриете кога е потребно да отидете на спиење. Ви донесуваме едноставни совети како да го пресметате најдоброто време за легнување во кревет и информации колку сон всушност ви е потребен.

КОЛКУ СОН ВИ Е ПОТРЕБЕН?

Додека на бебе му се потребни 17 часа сон, возрасно лице треба да спие најмалку 7 часа во текот на ноќта. Според Американската педијатриска академија, овие се генералните насоки за сон, поврзани со возраста:

  • Бебе до 3 месеци: 14 до 17 часа
  • Бебе од 4 до 11 месеци: 12-16 часа
  • Дете од 1 до 2 години: 11-14 часа
  • Дете од 3 до 5 години: 10-13 часа
  • Дете од 6 до 12 години: 9-12 часа
  • Дете од 13 до 18 години: 8-10 часа
  • Од 18 до 64 години: 7-9 часа

Колку сон ви е потребен за најдобро да се чувствувате зависи од секој одделно, па така некому е доволно да спие 7 часа, додека други се чувствуваат одморено дури откако ќе отспијат 9 часа.

ПРАШАЊА НА КОИ МОРАТЕ ДА ОДГОВОРИТЕ ЗА ДА ОТКРИЕТЕ КОЛКУ СОН ВИ Е ДОВОЛНО:

  1. Се чувствувате ли одморено по 7 часа сон или ви е потребно повеќе?
  2. Дали сте уморни во текот на денот?
  3. Зависите ли од кофеин за да се разбудите?
  4. Ако спиете со друго лице, дали тоа забележало дека имате проблеми со спиењето?

ОВИЕ СИГНАЛИ ОТКРИВААТ ДЕКА НЕ СПИЕТЕ ДОВОЛНО

Недоволната количина на сон е сериозна работа бидејќи да влијае на секојдневието, но и на општото здравје на негативен начин.

Може лошо да спиете поради:

  • Апнеа во сон
  • Хронична болест
  • Други состојби

Сигнали што откриваат дека не сте доволно наспиени се:

  • Мислите ви лутаат во текот на денот
  • Имате променливо расположение
  • Помалку сте продуктивни и фокусирани
  • Постојано сте гладни
  • Тешко донесувате одлуки
  • Имате подочници и кожата ви е безживотна

КОГА ДА СИ ЛЕГНЕТЕ ВО КРЕВЕТ?

Калкулаторот за спиење содржи податоци кои откриваат кога треба да легнете врз основа на тоа кога ќе се разбудите. Еве како изгледа тоа:

Ако станувате во 4 часот наутро, за да спиете 7,5 часа (со времето потребно за да заспиете) треба да си легнете во 20:15 минути, а ако сакате да спиете 9 часа тогаш подгответе се за спиење во 18:45 часот. Ако часовник ви ѕвони во 7 часот наутро, тогаш за 7,5 часа сон треба да си легнете за 23:15 минути, а ако сакате да спиете 9 часа, тогаш времето за одмор е 21:45 минути.