Престојот во затворена просторија го скратува животот, секој ден ни треба еден час на сонце

Недостатокот на витамин Д и честиот престој во затворени простории е штетен како и пушењето

Врз основа на дведецениска струдија спроведена во Шведска, било заклучено дека недоволниот престој на сонце е директно поврзан со скратувањето на животниот век кај луѓето. Според истражувањето, лицата кои претежно престојуваат во затворен простор си го скратуваат животот исто како и пушачите.

Лекарите препорачале секојдневен престој на сонце, бидејќи сончевите зраци имаат пријатно и лековите дејство, особено преку поттикнувањето да се произведува витаминот Д. Тој во организмот има огромен број функции, меѓу кои се и јакнењето на имунитетот и превенцијата од повеќе канцери.

Колку време ќе поминеме на сонце зависи од годишното време, но апсолутниот минимум е 10 минути дневно. Препорачано е секој ден на отворено да сме најмалку еден час, особено кога има сонце. Секако, во текот на летните месеци треба да се внимава на штетноста на сончевите зраци, па треба да се избегнуваат термините од 11 до 15 часот кога зрачењето е најголемо. Тоа значи преку лето, користете ги утрата и вечерите за прошетка, а како се скратува денот и станува поладно, прошетките темпирајте ги во средината на денот.

Престојот на сонце и генерално на отворено и во природа е многу поважно за децата. За нив, лекарите препорачуваат и до три часа игра на сонце, а бенефитот е огромен, се зајакнува имунитетот, се вежба креативноста и способноста за истражување.