Превенцијата чекор кон победа: Сè што треба да знаете за самопрегледот и ракот на дојка

Единствен начин успешно да се победи ракот е неговото правовремено откривање, ако се препознае во почетната фаза, потполното опоравување е речиси сигурно.

Превенцијата е единствен и ефикасен начин да победи ракот на дојка! Со оглед на тоа дека медицината со секој нов ден е во потрагата по лек против рак на дојка, постојат се повеќе револуционерни откритија поврзани за оваа тешка болест и од ден на ден се помалку жени се во животна опасност. Сепак, и покрај се ракот на дојка и понатаму е првата на листата болести кои го загрозуваат здравјето и животот на жените, а бројот на заболени пораснал на околу милион жени на годишно ниво.

Единствен начин успешно да се победи ракот е неговото правовремено откривање, ако се препознае во почетната фаза, потполното опоравување е речиси сигурно. За да се дијагностицираат промените на дојките, во вид на јазолчиња, потребно е редовно да се прават самопрегледи. Самопрегледот  е најдобро да се врши еднаш месечно, една недела по завршувањето на циклусот кога дојките се најмалку чувствителни и најмалку болни. Доколку забележите некоја промена појдете на лекар, кој ќе ве упати на ултразвучен преглед, доколку сте помлади од 40 или мамографија која се врши во првата фаза од менструалниот циклус, ако сте постари од 40. Ако наодот на мамографија покаже нешто, следен чекор е биопсија, анализа на ткивото, за време на која се утврдува дали се работи за малигна промена. Се покажало дека дури околу 80 отсто од јазлите се бенигни после направените мамографии.

Фактори на ризик

Вистинската причина за болеста не е позната, но многу фактори можат да го поттикнат развојот.

  • Дебелината значително го зголемува ризикот од заболување, особено кај личностите постари од 50 години;
  • Претерано консумирање алкохол;
  • Постоење рак на дојка во семејната историја на болеста;
  • Рано добивање прва менструација;
  • Хормонски терапии.

Сепак, истражувања покажале дека околу 80 проценти од жените, кои имаат повеќе фактори на ризик не заболуваат од рак. Без оглед на овој податок, се препорачува ризиците да се намалат на најмала можна мерка. Недостатокот на време, стресот и бројните обврски се недоволно силни изговори за негрижа за себе. Ако не издвоиме 5 минути еднаш месечно да се прегледаме себе и еднаш годишно да обавиме ултразвучен преглед, никој друг не ја носи одговорноста.

Единствена личност одговорна за здравјето, сме самите!