Освен што го поправа расположението и помага и да се разбудите, кафето има и низа други добри ефекти. Студиите покажале дека овој напиток може да помогне да живеете подолго, го намалува ризикот од заболување од дијабетес тип 2 и цироза на црниот дроб. Но сега научниците на љубителите на кафе им даваат причина плус уште повеќе да го сакаат овој напиток, затоа што наводно спречува заболување од Паркинсонова болест и деменција.
Научниците од Универзитетот во Њу Џерси откриле дека одредена супстанца во кафето заедно со кофеинот, спречува заболување од Паркинсонова болест и деменција. Овие две супстанци, кофеинот и ЕХТ, спречуваат таложење на токсичниот протеин кој се вика алфа-синуклеин.
Тестовите направени врз глувци кои биле генетски изложени на ризикот од двете споменати болести, покажале дека кофеинот го забавил наталожувањето на токсичниот протеин во периодот од шест месеци. Научниците се надеваат дека комбинацијата на кофеин и ЕХТ може да се претвори во лек кој кај луѓето ќе го намали ризикот од заболување од овие неизлечиви болести.
Лековите кои моментално се достапни можат само да ги ублажат симптомите на Паркинсонова болест, но не го штитат мозокот од дегенерации. Ни за деменцијата не постои конечен лек, иако постојат терапии кои кај некои луѓе ја ублажуваат оваа болест.
