![sterilitet-uzroci-MK](https://panacea.mk/wp-content/uploads/2020/01/sterilitet-uzroci-MK-696x464.jpg)
Истражувањето кое е спроведено во Велика Британија покажува дека една од седум хетеросексуални двојни има проблем со зачнување. Во таквите ситуации фокусот на лекување најчесто е репродуктивното здравје на жените, но ризикот од стерилитет најчесто е изедначен кај двата пола. Преостанатата третина од вкупните причини до денес не е доволно истражена.
Стручњаците тврдат дека момчињата родени со 10 отсто пониска тежина од просечната припаѓаат во ризичната група.
„Сознанијата до кои дојдовме укажуваат дека мораме да ги истражиме факторите кои се јавуваат уште во најрана возраст, за да го објасниме проблемот со плодноста кој се случува во зрело доба“, наведува коавторката на истражувањето Ен Торстед.
Текстовите објавени во специјализираниот магазин „Human Reproduction Journal” детално ги прикажуваат истражувањата на оваа данска научничка и нејзиниот соработник, а се однесуваат на репродуктивното здравје на 11 000 жители родени меѓу 1984 и 1987 година во два дански града.
Податоците за тежината на бебињата се преземени од матичните книги, а потоа се поврзани со навиките и бројот на потомци на тие личности. Исто така, анализирани се и факторите на ризик кои се однесуваат на индексот на телесна маса на трудниците, одвоениот живот од партнерот, возраста на која дошло до зачнување и пушењето за време на бременоста. Токму оваа лоша навика може да биде причина за раѓање бебиња кои имаат тежина под просекот.
На крајот е утврдено дека овие ризични фактори се причина за неплодност во дури 55 отсто од случаите.
„Пореметувањата киои се јавуваат во гениталиите можат да бидат поврзани со стерилитетот, но тоа бара дополнителни истражувања“, наведува Торстед, а пренесува британски „Гардијан“.
Професорот од Универзитетот во Данди Кристофер Берет вели дека истражувањето е важно, но и додава дека заклучоците би требало да се проверат и кај други популации.
„Истражувањето укажува на тоа дека стерилитетот кај мажите е последица на факторите кои настануваат за време на развојот во матката и при самото раѓање. Дали е тоа вистинска причина не е најдобро разјаснето“, наведува Берет.