ПРИЧИНИ И ПОСЛЕДИЦИ: Зошто ве боли глава?

Се уште не е познат точниот механизам и причина за настанување на некои главоболки. Воочено е дека постојат одредени тригери кои можат да поттикнат појава на силна главоболка. Исто така, но поретко, силните главоболки можат да бидат последица на животозагрижувачки состојби.

Главоболката е една од тегобите што ја искусил речиси секој човек и претставува една од најчестите симптопми со кои се доаѓа на лекар. Важно е да се препознае видот на главоболката, дали таа е минлива и незгрижувачка, или пак е знак за нешто многу посериозно, со невролошка или системска основа.

Три најчести видови на главоболка се: 

  • Тензиска главоболка – 40%
  • Мигрена – 10%
  • Кластер главоболка – 1%

Во повеќето случаеви можно е да се ублажи главоболката со аналгетици и со промена на начинот на живот – повеќе одмор и внес на доволна количина течности во организмот.

Главоболките може да се поделат на:

  • Примарни или
  • Секундарни, зависно од потеклото.

Примарни се претходно наведените тензиска и кластер главоболка, како и мигрената, а секундарни се главоболките предизвикани од некоја инфекција, васкуларна болест, трауматско случување, неваскуларен интракранијален процес, последица од злоупотреба на дрога, итн.

Болката не произлегува од мозокот или од черепот, бидејќи тие немаат рецептори за болка, туку од крвните садови на главата и вратот, како и од околните ткива – скалп, синуси, заби, мускули, зглобови.

ПРИЧИНИ ЗА СИЛНА ГЛАВОБОЛКА 

Се уште не е познат точниот механизам и причина за настанување на некои главоболки. Воочено е дека постојат одредени тригери кои можат да поттикнат појава на силна главоболка. Исто така, но поретко, силните главоболки можат да бидат последица на животозагрижувачки состојби.

  • МИГРЕНА

Најчеста форма на силна главоболка која во поголем процент се јавува кај жените отколку кај мажите и се смета дека настанува поради промена во мозочната циркулација и активност на нервните клетки. Дури 70% од мигрените се наследни.

Мигрената може да се појави изненадно, често по некој одреден тригер како:

  • Недоволно сон
  • Емоционален стрес
  • Промена на времето
  • Силна светлина или гласен звук
  • Консумирање алкохол (особено црвено вино)
  • Чоколадо
  • Сирења и кашкавали

Карактерстични симптоми се:

  • Пулсирачка болка на едната страна од главата, со таков интензитет да ги оневозможува секојдневните активности
  • Појава на мачнини (и/или повраќање) со траење од 4 до 72 часа со чувствителност на светлосни и звучни надразби.

  • КЛАСТЕР ГЛАВОБОЛКА

Тип на силна главоболка која почесто е присутна кај мажите, особено оние кои пушат цигари во средните години.

Типична слика е појава на главоболка во бранови, повеќе пати во текот на денот, во период од еден или повеќе месеци. Секогаш зафаќа само една половина од главата, со црвенило на очите и лесно спуштен капак на болната страна, додека носот е затнат или тече.

Кластер главоболката започнува нагло и трае од 30 до 60 минути и нуди изразена нелагодност кај лицето кое станува немирно.

Субарахноидално крварење

Често опишано како најсилна главоболка која пациент ја почувствувал. Може да настане без очигледна причина, по вежбање или физичко напрегање, обично поради пукање на мозожна аневризма.

Карактрестични знаци се: многу силна главоболка, вкочанет врат, двоен вид, чувствителност на светло, забавен говор и мрморење.

Мозочен удар

Нагло настаната главоболка која не престанува, со појава на други симптоми како неразговетен говор и слабост во едната половина од телото.

Менингитис

Инфективното воспаление на мозочната обвивка исто така е едно од причините за силни главоболки, проследени со невролошки симптоми: вкочанетост на вратот, папилоедем (еден на оптичкиот диск) поради зголемен притисок во черепот, зголемена телесна температура и понекогао осип.

Кога да побарате помош од лекар?

Кога главоболката не престанува, лекови не помагаат и главоболката само се засилува, кога постои чувство на мачнина и нагон на повраќање, ако постојат други симптоми како слабост или трнење на рацете и нозете, како и вкочанет врат.