Прим. д-р Садика Билуш: Ве мачи гастритис? Вака можете најдобро да си помогнете

Една од “најпопуларните“ болести на дигестивниот систем е гастритисот. Всушност станува збор за болест која речиси сите ја имаме, само што некој успева да ја совлада, на пример со исхрана.

Пишува: Прим д-р Садика Билуш
Интернист – Гастроентеролог

Болките во желудникот и дигестивните тегоби се најчести пореметувања со кои се среќаваат лекарите од општа пракса, како и специјалистите гастроентеролози.

Бројни се причините зошто се јавуваат споменатите проблеми, а често се вбројуваат во болести на модерниот и стресен начин на живот. Една од “најпопуларните“ болести на дигестивниот систем е гастритисот. Всушност станува збор за болест која речиси сите ја имаме, само што некој успева да ја совлада, на пример со исхрана.

ОРГАНИЗМОТ САМ БАРА ТЕРАПИЈА

Киселината зависи од полот, возраста и генетската предиспозиција. Лачењето на киселина може да биде зголемено, а лицето да не почувствува никакви симптоми. Оние кои ги мачи гастритис треба да јадат неколку оброци во денот. Најдобри се оние медикаменти кои ја неутрализираат киселината – антацидни лекови, а дека храната е најдобриот антицид потврдува фактот дека лице често се буди во текот на ноќта поради киселина со неопислива желба за храна. Токму така, организмот сам бара терапија. Никако, во овој случај не треба да се посегнува по масна, лута или кисела храна, или пак по цигара, кафе или алкохол. Млечните производи поради големата количина калциум може да предизвикаат зголемено лачење на киселина, но во мали количини тие не се штетни.

Кога гастритисот ќе нападне, најдобро е да се посегне по крекер или лесен намаз. Во случај на чир, исто така се препорачува лесна и медитеранска исхрана.

Оние кои ги мачи гастритис треба да јадат неколку оброци во денот.

Болките кај гастритисот често не се интензивни, а болеста е опасна оти води до улкусна болест, односно создавање на чир во желудникот, односно чир на дванаесетпалачното црево, кој е помалку опасен од тој на желудникот, оти никогаш не преминува во малигна форма. Овие две болести имаат многу слични причинители и симптоми, и тешко е да се разликуваат само на темел на клиничка слика, туку за прецизна дијагноза потребна е ендоскопија или рендгенско снимање.

Чирот на желудник секогаш мора да се излекува и да се контролира, така што секоја година, најмалку еднаш да се направи гастроскопија.

Мојата пракса е да секогаш кога ќе откријам чир, задолжително правам биопсија , дури и ако се работи за мала творевина, се со цел да се види какви лезии содржи, и дали има некакви најави за малигнитет.

Една од компликациите кај чирот е и крварењето, кое пак може да доведе до смрт на пациентот во рок од еден час. Затоа, брзата реакција на лекарот е клучна. За дијагностицирање на чир или гастритис, мора да се направи гастроскопија и биопсија на инфекција на бактеријата Хеликобактер пилори.

Чувството на печење, односно жаречка болка во предниот дел на абдоменот, е најчестиот симптом на чир на желудникот и најлесен начин да се препознае. За разлика од чирот, ракот не “боли“ многу долго. За жал, ракот не боли многу долго, а од најзебележливите симптоми се оние како губење на апетитот, килограми, сила… Оние лица кои имаат генетска предиспозиција за развој на овие болести, задолжително по 40. година, треба еднаш годишно да одат на превентивни прегледи, ултразвук и гастроскопија.

Една од компликациите кај чирот е и крварењето, кое пак може да доведе до смрт на пациентот во рок од еден час.

Дури 50% од сите гастроентеролошки болни страдаат од синдром на иритабилно црево

Иако гастритисот често се споменува како најчеста гастроентеролошка пречка, тој тоа не е!

Постои синдром на иритабилно црево (колон) кој се јавува како нелагодност со одреден степен на анксиозност, со грчеви проследени со препотување, мачнина, зголемена киселина и некогаш забрзано празнење на цревата.

Интересно е дека оваа болест е застапена речиси кај 20 проценти од општата популација, а 50% од сите гастроентеролошки болни страдаат синдром на иритабилно црево.

За да се постави дијагнозата, мора да се исклучат и други болести, како гастритисот. Го предизвикуваат многу фактори како психолошки стрес, фактори од околината, харана, несоница и зголемена киселина. Исто така, корисно е и при оваа состојба здраво да се храните и да бидете физички активни. Во лекувањето на овој синдром се користат одредени групи на лекови, како спазмолитици, а понекогаш и антидепресиви.