Чешање, болка, црвенило, оток… се се ова реакции на убоди и угризи од бубачки или инсекти, кои се мошне чести кога е убаво времето и кога се престојува во природа. Со оглед на дека сме токму во тој период од годината, кога повеќе време поминуваме надвор од своите домови еве што треба да знаете за да си ги олесните тегобите доколку се најдете во ваква ситуација. Обидете се некое од овие природни решенија:
Есенцијални масла
Масло од чаево дрво, лаванда и кокосовото масло имаат својства кои можат да го ублажат чешањето, болката и отокот. Маслото од чаево дрво делува антибактериски и може да спречи инфекција. Но внимавајте некои масла можат да бидат покисели, па затоа ако маслото е прејако пред да го нанесете на кожата разредете го со малку вода.
Мед
Ако не ви пречи малку лепливост, тогаш пробајте со мед тој делува противвоспалително и ќе го намали чешањето.
Млеко и вода
Измешајте еднакво количество млеко и вода, во смесата потопете чиста памучна крпа и со тоа тапкајте го болното место.
Сок од лимон или лимета
Ова овошје ќе го намали чувството на чешање, а делува и антибактериски. Важно е само ако го користите овој метод да не сте на сонце – затоа што сокот може да ја изгоре кожата.
Паста за заби
Повеќето пасти имаат вкус на нане, а оваа состојка создава чувство на ладење на кожата. Освен што ќе го намалите чешањето, пастата за заби помага и во намалувањето на отокот.
Босилек
Овој зачин не е ограничен само на кујната и јадењата. Листовите босилек содржат хемикалии како што е камфорот, а тоа создава чувство на свежина слично на она што го создава нането. Згмечете неколку свежи листови и со нив истријте го местото.
Мраз
Една коцка мраз може да ги стегне крвните садови и да го намали природното отпуштање на хистамини, што значи и помалку чешање.
Ќесички чај
Ладни ќесички чај ќе ја „извлечат“ течноста од гризнатото место и ќе се намали отокот и чешањето.
Оцет
Ова е одличен домашен лек против чешање. Јаболковиот оцет е најдобар. Нанесете оцет на местото, ако случајно имате повеќе убоди/угризи по телото два до три филџани оцет ставете во када наполнета со топла вода и лежете неколку минути.
