Проблемите со здравјето може да се прочитаат од рацете

Истражувања покажале дека лица чиј стисок на рацете е послаб во однос на другите имаат поголема шанса за заболување на срцето.

Симптомите на многу болести почнуваат токму од рацете. Затоа лекарите пред се ги проверуваат отечените зглобови, кожните промени и јачината на стисокот на дланките, преку кои може да се прочитаат многу здравствени состојби.

Прв симптом: слаб стисок

Истражувања покажале дека лица чиј стисок на рацете е послаб во однос на другите имаат поголема шанса за заболување на срцето. Особено ако стисокот со текот на годините интензивно слабее и станува млитав, лекарите го поврзуваат со општа слабост на организмот, а во иднина токму ова може да стане начин на рано воочување на проблемите. Потврдено е дека слабиот стисок во комбинација со слабата подвижност на зглобовие носи и ризик од смртност предизвикана од срцеви болести кај повозрасните лица.

Втор симптом: Ситни црвени испукнатини или плускавци

Црвен осип најчесто испакнат или пак во форма на плускавци, а кој се појавува често на рацете или зглобовите може да биде знак за алергија на никел. Американската академија за дерматологија го истакнува овој вид на алергија како најчест кој предизвикува контактен дерматитис. Никел содржи голема група на предмети кои не опкружуваат: часовници, прстени, белегзии, па дури и мобилните телефони. Исто така, оваа алергија може да се јави и по консумирање на храна која го содржи овој елемент, а процентот на никел е највисок во гравот, чоколадото, кикириките, сојата и зобни снегулки.

Трет симптом: Трнење или пецкање на рацете

Доколку трнењето во рацете се јавува често и е проследено со лесно пецкање, можено е да се работи за симптом на карпален тунел.  До трнење на рацете може да дојде поради искривување на зглобовите додека спиење и притискање на нервот. Постојат и многу други причини поради кои е можно да се чувствува трнење на рацете како напад на паника, или состојба на хипервентилирање. Лекарите советуваат доколку трнењето се појави нагло, а е проследено со слабост во рацете, веднаш да се побара стручна помош. Ова е еден од симптомите и на мозочен удар.

Четврт симптом: Прсти кои ја менуваат бојата

Ако на студено време прстите побелат или пак посинат, а по влегување на топло, почнуваат да црвенеат, најверојатно станува збор за реинова болест. Станува збор за исклучително силна реакција на промената на температурата. Состојбата не е опасна, но е исклучително непријатна и промената е проследена со болка и трнење на прстите на студено време.

Петти симптом: Црвени или виолетови лезии на врвовите на прстите

Кај пациентите со виолетови или црвени промени на врвовите на прстите  познати под името ослерови јазли, дијагнозната најчесто е јасна, станува збор ендокардитис – бактериска инфекија на ендокардот и срцевите валвули. Ендокардитисот може да се манифестира со крварење под дланките кое остава виолетови и смеѓи точки, како и крварење под ноктите. Понекогаш се јавува и висока температура и засилено потење.