Пишува: Проф. д-р Дејан Докиќ, специјалист по пулмологија и алергологија
Многу видови кожни, метаболички нарушувања и имунолошки болести се поврзани со кожни болести кои личат на атописки дерматитис. Одредени карактеристики на овие состојби помагаат да се разликуваат од атопискиот дерматитис (АД).
Кожни болести
Себореичниот дерматитис е најчестото заболување помешано со АД. Карактеризиран е со мрсна жолта или лосос боја на лушпест дерматитис кој почнува во првите недели од животот, најчесто пред типичната возраст за почеток на АД. Лезиите се првично распоредени на скалпот, образите и постаурикуларните области, но може да се појават и на трупот, перинеумот и интертригинозните региони на рацете и нозете. За разлика од АД, значителното чешање не е карактеристика за себореата.
Нумуларната егзема е нарушување карактеризирано од добро ограничени кружни лезии кои најчесто се појавуваат на надворешните површини на екстремитетите на местата со сува кожа. Лезиите почнуваат како везикули и папули кои се здружуваат и формираат дискретни неексудативни лезии во облик на монета. Лезиите може да се слабо пруритусни. Ова нарушување не е типично поврзано со атопија или со покачен IgE серум.
Контактниот дерматитис и иритантниот и алергичниот може да се појават и кај бебиња и кај мали деца.
Кожната ерупција на иритантниот дерматитис варира со етиолошкиот агент, но е често виден на образите, брадата, надворешните поврпини на екстремитетите и областа каде што стојат пелените. Иритантниот дерматитис е типично помалку приритусен од АД и се подобрува со отстранување на иританто (сапуни, детергенти, абразивни постели).
Алергоконтактниот дерматитис е карактеризиран со пруритуски, ериматозни и папуловескуларни ерупции кои ги вклучуваат местата изложени на контакт. Овој дерматитис е редок за време на првите месеци од животот и може често да биде исцртан во внимателно земената здравствена историја.
Псоријазата е кожно нарушување, почесто видено кај постари деца и возрасни, но може да се сретне и кај помлади деца. Комплетно развиените лезии се драстично различни по појавата, во споредба со АД. Лезиите се најчесто ериматозни и покриени со сребреникава покривка. Распространета е најчесто на скалпот, на надворешните површини на екстремитетите и во гениталниот регион. Може да се појави кај ноктите со нерамнини или дупчиња на површината на ноктите.
(Продолжува)
