Јазикот е мускулест орган кој ни служи при јадење, голтање и зборување, како и за осет за вкус. Како и на секој дел од телото, и на јазикот може да се манифестираат одредени симптоми. Тоа може да бидат:
- Промени во способноста на осетот за кисело, солено, луто и слатко
- Делумно или целосно губење на осетот за вкус
- Тешкотии во движење на јазикот
- Отекување на јазикот
- Промени на бојата на јазикот – бела, сјајно розева, црни или кафени подрачја на јазикот
- Болки во целиот јазик или во одредени точки
- Жарење на целиот јазик или некои делови
- Бели или црвени дамки, често болни
- Влакнест изглед на јазикот
ПРИЧИНИ ЗА ПРОБЛЕМОТ
Чувството на жарење може да се појави кај жените во постменопауза. Се јавува и по иритација, како на пример, дим од цигарите.
Сјајно розева боја на јазикот најчесто е предзвикана од недостаток на железо, фолна киселина или витамин Б12. Причина може да биде и алергиска реакција на глутен.
Белиот јазик главно е последиц ана пушењето, пиењето алкохол и лоша орална хигиена. Бели линии или дамки може да бидат знак на воспалителна болест.
Влакнест изглед на јазикот всушност е одраз на недоволно отстранување на изумрени површински клетки на слузницата, а најчесто е нуспојава од терапија со антибиотици. Може да се јав и и ако лицето многу пуши, консумира многу кафе или користи премногу раствори за испирање на уста.
Болки во јазикот предизвикуваат најмногу повреди и воспаленија. Помали инфекции на јазикот не се реткост. Ако се гризнете за јазик, може да тоа место да се развие многу болно воспаление, кое трае и по неколку дена.
Афтите се уште една причина за болки во јазикот. Тоа се мали, жолти или бели многу болни и непријатно воспалени испакнатини кои може да се јават и без особена причина. Во најголемиот процент случаи, причината е непозната. Болки во јазикот може да предизвикаат и анемијата, туморите и невралгијата.
Причина за отекување на јазикот може да биде даунов синдром, рак на јазикот, преактивна штитна жлезда, леукемија, анемија, воспаление на крајници. Изненадно и нагло отекување на јазикот веројатно е силна алергиска реакција која може да го попречи дишењето. Тоа е состојба опасна по живот и бара итна медицинска интеревнција.
