Проверете дали боледувате од САП

САП секоја есен погодува огромен број луѓе, а тие не се ни свесни за тоа

Познато ви е она чувство кога ќе се разбудите наутро, ќе погледнете низ прозорецот и во истиот момент посакувате да се вратите во креветот и да спиете се до пролетта. Немата волја да си сварите ни кафе… Иако знаете дека нема причина да сте нерасположени, она што го чувствувате личи на депресија…

Оваа состојба има име и се вика сезонско афективно пореметување САП – и тоа секоја есен погодува огромен број луѓе, а тие не се ни свесни за тоа. Екстремно нерасположение, умор и безволност се само некои од симптомите. Желба за храна, спиење, недостаток на енергија, отстуство на желба за секс… се се ова симптоми на САП.

Доктор Козмо Холстром од одделот за психијатрија на Кралскиот колец и шефот на одделението за информирање за менталното здравје „Мајнд“ Стивен Баклеј дале неколку корисни совети како да се изборите со ова сезонско афективно пореметување.

Излезете на воздух неколку пати дневно по 10 минути – колку повеќе време поминувате на дневна светлина, толку расположението ќе ви биде подобро.

Обидете се да не се прејадувате, тоа само ќе ве онерасположи – еден од симптомите на САП е желба за слатко или тешки јаглехидрати.

Потрудете се да бидете физички активни – истражување покажало дека вежбањето може да биде ефикасно во лекувањето на депресијата, скоро колку и антидепресивите. Затоа се препорачува џогирање, брзо одење или само прошетка.

Побарајте помош ако симптомите продолжат – когнитивно-бихејвиоралната терапија (КБТ) е вид психотерапија која го нагласува влијанието на мисењето на тоа како се чувствуваме и како се однесуваме, а докажано помага во лекувањето на САП. Ако се борите со симптомите, разговор со лекар за овој вид терапија или антидепресиви може да помогнат.