ПРОВЕРЕТЕ: Дали сте изложени на ризик од развој на цисти на панкреасот?

Поголем дел од цистите на панкреас се пронајдени случајно за време на испитувања направени од други причини.

Се верува дека околу 15 проценти од Американците имаат цисти на панкреасот, кои обично не предизвикуваат симптоми. Инаку, поголем дел од цистите на панкреас се пронајдени случајно за време на испитувања направени од други причини.

Постојат речиси 20 видови на цисти на панкреасот. Вообичаените вклучуваат псевдоцисти, серозни цистаденоми, интрадуктални папиларни муцинозни неоплазми (IPMN) и муцинозни цистични неоплазми (MCN).

Треба да се спомене дека цистите на панкреас може со тек на време да напредуваат во рак на панкреас, па затоа е важно да се идентификуваат и следат пациентите со овие израстоци. Многу карциноми на панкреасот, за жал, доцна се дијагностицираат или веќе се проширени или технички е можат да се отстранат.

Причината за повеќето цисти на панкреас е непозната. Некои цисти се поврзани со ретки болести, вклучително и полицистична болест на бубрези или генетско нарушување што може да влијае на панкреасот и другите органи.

Прекумерното консумирање алкохол и жолчните камења се ризик фактори за панкреатитис, а панкреатитисот е ризик фактор за псевдоцисти. Абдоминалната повреда е исто така ризик фактор за псевдоцисти.

Кога се појавуваат знаци или симптоми на циста на панкреасот, тие обично вклучуваат постојана болка во стомакот, која може да зрачи кон грбот; гадење и повраќање; губење на телесна тежината и чувство на ситост веднаш откако ќе почнете да јадете.

Карактеристиките и локацијата на цистата на панкреас, заедно со вашата возраст и пол, понекогаш може да им помогнат на лекарите да го одредат типот на циста што ја имате.

Обично цистите на панкреасот се безопасни и не треба да се отстрануваат или активно да се третираат на кој било начин. Сепак, важно е со тек на времето внимателно да се следат цистите, бидејќи тие понекогаш напредуваат до точка во која е најдобро да се отстранат хируршки.