Проверете дали сте под стрес

Хроничниот стрес претставува опасен удар за организмот, но телото ни испраќа тајни сигнали и симптоми, кои треба да ги забележиме навреме и да реагираме.

Модерниот стил на живот носи со себе редица погрешни навики на кои луѓето се изложуваат секојдневно. Хроничниот стрес претставува опасен удар за организмот, но телото ни испраќа тајни сигнали и симптоми, кои треба да ги забележиме навреме и да реагираме.


Силни менструални болки
Едно истражување на Унивезитетот на Харвард покажало дека жените кои се под стрес имаат и страдаат од менструални болки. Физичката активност, како тренинзи барем два пати во неделата може да ги ублажи во голема мера ваквите болки.


Чудни соништа
Соништата имаат силно влијание и може да делуваат на расположението на луѓето, откако ќе се разбудат. Поради стресот може да имате чудни и страшни соништа поради кои ќе се будите неколку пати во ноќта, што ќе ви го поремети потребниот сон, а со тоа дополнително ќе се нагласи стресот. Затоа, ако забележите вакви промени, средете го спиењето со природни лекови, но ако дојде до некакво сериозно пореметување на спиењето кое трае предолго, побарајте стручен совет.

Изразена желба за благо
Многу направени студии, како меѓу жени, така и меѓу мажите покажуваат дека лицата кои се изложени и се под стрес имаат нагласена желба за благи работи. Стресот се покажува како најголем виновник за јадењето чоколадо.


Болки во стомакот
Напрегнатоста може да предизвика главоболки, несоница, но и болки во стомакот. Последната статистика на Светската здравствена организација, при направено испитување на 1953 мажи и жени, покажала дека луѓето кои се под стрес, двојно се поизложени и двојно повеќе страдаат од болки во стомакот.


Воспалени непца
Лицата кои подолг временски период се под постојан стрес страдаат од проблеми со непцата, посебно од парадентоза. Кога организмот е под хроничен стрес, тој станува приемчив за бактерии кои во најголем процент ги напаѓаат токму непцата.


Појава на акни и на мозолчиња
Со овој проблем повеќе се соочуваат жените кои се под стрес, но не ги одминува ниту мажите. Акните се појавуваат во пределот на челото и на образите. Стресот кај некои лица може да предизвика траен проблем, како што е појавата на розацеа, која всушност не се лекува, туку може со помош на медицински препарати да се држи под контрола од понатамошно ширење.