ПРОВЕРЕТЕ ШТО ВЕЛАТ КАРДИОЛОЗИТЕ: Знаете ли кои крвни групи се посклони на инфаркт и срцеви болести?

 Лицата кои имаат крвни групи А и Б, можеби имаат поголеми шанси кај нив да се развијат болести на срцето.

По крвните групи луѓето се разликуваат и постојат: А+, А-, Б+, Б-, О+, О-, АБ+, АБ-. Овие разлики во крвните групи не значат многу се до моментот кога навистина значат многу, особено ако сте во болница и ви е потребна трансплантација на крв, или донирате крв, а тогаш мора да знаете која крвна група сте.

Но, со оглед дека постојат се повеќе истражувања за крвните групи, се чини дека би можеле да значат и повеќе од што мислиме, особено кога се во прашање одредени здравствени проблеми, а особено здравјето на срцето. Овие невидливи разлики во крвта кможе кај некои лица да значат дека ќе имаат кардиоваскуларни проблеми, или ќе бидат склони кон нив.

ШТО ЗНАЧИ КРВНА ГРУПА И КАКО СЕ РАЗЛИКУВААТ

Буквите A, B и 0 претставуваат различни варијации на ABO генот, кои ги програмираат крвните клетки. На пример, ако имате АБ крвна група, телото е програмирано да произведува антигени на црвените крвни зрнца А и Б, додека лицето со крвна група 0 не произведува антигени. Така, крвта може да биде позитивна или негативна во зависност од тоа дали има протеин во црвените крвни зрнца. Ако има протеини, вие сте Rh позитивни. Лицата со крвна група 0 се сметаат за универзални донори токму поради недостаток на антигени и протеини, што значи дека вашата крв може да ја прими секој ако има потреба.

КОИ КРВНИ ГРУПИ СЕ ВО РИЗИЧНА ГРУПА ОД РАЗВОЈ НА БОЛЕСТИ НА СРЦЕТО?

Според Американското здружение за срце, лицата кои имаат крвна група А, Б или АБ се во група која има поголеми шанси да доживее срцев удар (инфаркт) или срцева болест.

Иако овој ризик е мал – А и Б заедно имаат 8 проценти поголеми шанси да доживеат инфаркт, а разликата кај крвните згрутчувања е малку поголема. При работење на нивното истражување, научниците откриле дека овие крвни групи имаат 51 отсто поголема веројатност да развијат длабока венска тромбоза и 47 отсто поголема шанса дека ќе дојде до белодробна емболија, што е многу сериозна состојба. Според експертите, причината за таквиот зголемен ризик може да се должи на воспалителните процеси кои се случуваат кај овие крвни групи. Протеините содржани во нив може да предизвикаат прекин на протокот на крв или тенчење на артериите и вените, што доведува до зголемен ризик од создавање крвни згрутчувања и срцеви заболувања.

Тие веруваат дека тоа може да го објасни намалениот ризик од сериозна форма на КОВИД-19 кај оние кои имаат крвна група 0, а токму тој податок бил и повод за истражувањето. Сериозна форма на КОВИД-19 може да предизвика срцеви заболувања, згрутчувања и други кардиоваскуларни проблеми.

ШТО УШТЕ НОСИ ОДРЕДЕНА КРВНА ГРУПА?

Оние со крвна група 0, имаат И помал ризик од развој на болести на срцето или крвни згрутчување, но може да имаат проблеми со нарушувања на крварењето, особено по породувањето каде оваа група покажува поголема загуба на крв. Тие, исто така, може да имаат повеќе проблеми по трауматска повреда поради поголема загуба на крв. Забележани се и проблеми со помнењето, фокусот и одлучувањето кај крвната група АБ.