ПРВ СЛУЧАЈ НА КОВИД-19 ПРИ ТРАНСПЛАНТАЦИЈА: Жена починала по пресадување бели дробови, дополнително утврдено дека донорот бил заразен со коронавирус

Медицинскиот факултет при Универзитетот во Мичиген наведува дека тоа би можело да биде првиот докажан случај на КОВИД-19  по инфекција со вирус преку органи за трансплантација.

Лекарите од Мичиген потврдија дека на пациентка која кон крајот на минатата година и биле пресадени бели дробови, по два месеци починала оти дополнително било утврдено дека донорот бил заразен со новиот коронавирус, иако првите тестови покажале дека е негативен на SARS-CoV-2.

Медицинскиот факултет при Универзитетот во Мичиген наведува дека тоа би можело да биде првиот докажан случај на КОВИД-19  по инфекција со вирус преку органи за трансплантација.

Хирургот кој ја извршил трансплантацијата исто така се заразил и заболел, но успеал да се опорави.

Се чини дека се работи за изолиран случај, потврден во речиси 40.000 трансплантации извршени во САД во 2020.

Д-р Даниел Каул, раководител на одделот за трансплантација, вели дека сите испитувања кои инаку се прават, вклучувајќи ги и пациентите и донорите, се направени и дека тестовите на SARS-CoV-2, вирусот што ја предизивкува болеста КОВИД-19, биле негативни.

По овој случај, д-р Каул повикува на уште подетални испитувања на донорите, истакнувајќи дека освен примерок од нос и од грло, потребно е да се тестираат и примероци од најдлабоките делови на белодробните крила.

“Сигурно не би употребиле бели дробови да имавме позитивен тест на КОВИД-19“, вели д-р Каул.

Белите дробови биле земени од жена кои погинала во сообраќајна несреќа и биле пресадени кај жена која страдала од хронична опструктивна болест на белите дробови. Оперцијата била направена во Универзитетската болница во Ан Арбор.

Три дена по операцијата, пациентката со трансплантираниот орган развила треска, крвниот притисок и паднал и се потешко дишела. Снимките покажале инфекција на белите дробови. Како состојбата се влошувала, дошло и до сепса и срцеви проблеми.

Лекарите одлучиле да го повторат тестот на SARS-CoV-2. Примероците од белите дробови покажале позитивен резултат, но лекарите ги мачело потеклото на инфекцијата, оти не биле сигурно кој бил првично заразен, примателот или донорот на органите.

Тестирањето од примерокот на зачувана течност од белите дробови на донорот, исто така покажало позитивен резултат, а генетскиот скрининг открил дека примателот на органите и лекарот кој ја извршил интеревенцијата, биле заразени од донорот.

Состојбата на пациентката уште повеќе се влошувало, дошло до затајување на повеќе органи, применета била сета позната терапија 0 ремдисивир и крвна плазма, но на крајот била приклучена на респиратор. Но, пациентката и покрај се, починала 61 ден по трансплантацијата.