Прва работилница за трансплантација на коскена срцевина

Меѓу другото, на оваа работилница е предвидено да се зборува и за предизвиците во третманот на хематолошки пациенти, како и значењето на поддршката на лекарите и на пациентите. Настанот ќе се одржи во просториите на Деканатот на Медицинскиот факултет во Скопје.

Утре, со учество на медицински експерти и претставници на здруженија на пациенти, а во организација на Клиниката за хематологија во Скопје,  ќе се одржи првата работилница за коскена срцевина во земјава, а по повод 500. изведено пресадување на коскена срж во Македонија.

“Во Македонија има околу 130 пациенти кои боледуваат од хронична мелоична лекемија и сите добиваат соодветна терапија. Она што сакам да го нагласам е соработката пред се со Клиниката за хематологија, Министерството за здравство, Бирото за лекови и Фондот за здравство, која оди во насока на обезбедување на соодветен и навремен третман на сите пациенти, како и со поддршка за сите активности што ги спроведуваме. Тоа е балансот кој ни е потребен и нам како пациенти, но и на лекарите“, вели претседателот на Здружението на пациенти за хронична мелоична леукемија, Пепо Леви.

Во Македонија во моментов се регистрирани 130 пациенти со хронична мелоична леукемија, вели Пепо Леви, претседател на Здружението на пациенти со ХМЛ.

Тој со свое предавање на настанот ќе го нагласи значењето на соработката на Здружението на пациенти со ХМЛ, во делот на ставање на лекови на позитивна листа и следење на состојбата на пациентите.

Меѓу другото, на оваа работилница е предвидено да се зборува и за предизвиците во третманот на хематолошки пациенти, како и значењето на поддршката на лекарите и на пациентите. Настанот ќе се одржи во просториите на Деканатот на Медицинскиот факултет во Скопје.