Ракот на грлото на матката главно не дава симптоми во раниот стадиум, затоа е важно редовно да се прават гинеколошки прегледи, советуваат гинеколозите. Иако нема јасни симптоми, телото испраќа одредени сигнали дека во него се развива опасен тумор. Меѓутоа, овие симптоми жените, за жал, често ги занемаруваат и ги сметаат за безопасна работа, а токму таквиот став може да ве чини живот.
Симптоми кои главно укажуваат на рак на грлото на матката се вагинално крварење, иако е завршен менструалниот циклус, болки во стомакот, неможност да се задржи уринирањето и крв во урината.
Исто така, на оваа болест укажува и болка во коските, болки во долниот дел на грбот, отоци на нозете, губење на апетитот, нагло слабеење, чувство на поспаност и нервоза и промени за време на уринирањето, како и промени на столицата.
Најважен вид на превенција на ракот на грлото на матката е редовниот гинеколошки преглед, и во поголемиот број случаи, ако се открие навреме во почетен стадиум, може да се излекува.
