Пушите по 5 цигари дневно и мислите дека тоа е безопасно? Всушност исто е како да пушите и две кутии

Не е новост дека пушењето е штетно за здравјето

Многу пушачи се тешат со фактот дека неколку цигари дневно сепак не можат да му наштетат на здравјето, па се ограничуваат на десетина цигари дневно за да си ја смират совеста. Најновата студија не го поткрепува ова уверување. Научниците дошле до резултат дека и пет цигари дневно им штетат на белите дробови на ист начин како и две кутии дневно.

Од Универзиттеот Колумбија порачуваат дека пушењето неколку цигари дневно всушност е поопасно од што мислат луѓето.

Во истражувањето учествувале 25 илјади волонтери од кои некои биле активни пушачи, некои пушеле по неколку цигари дневни, а некои биле бивши пушачи.

Воочена е мошне мала разлика во функционирањето на белите дробови меѓу пушачите кои палат 30 цигари дневно и оние кои пушат пет цигари дневно. Тоа би значело дека послабите пушачи го губат капацитетот на белите дробови за 12 месеци, додека на активните пушачи тоа им се случува за девет месеци.

„Разликата меѓу капацитетот на белите дробови кај луѓето кои малку и многу пушат е незначително мала. Сите би требало да бидат мотивирани воопшто да не пушат, без оглед на тоа колкав број на цигари е во прашање“, рекла доктор Елизабет Оелснер, водач на студијата.

Истражувањето во кое учествувале академици е објавено во „The Lancet Respiratory Medicine”.