РАНИ СИМПТОМИ НА КАРЦИНОМ: Грчењето на мускулите може да биде предупредувачки знак за три најчести видови на рак

Понекогаш канцерогениот тумор е малиген, што значи дека може да расте и да се прошири на други делови на телото каде што нервите се во средината, предизвикувајќи мускулни грчеви. Мускулните грчеви се предизвикани од неволни контракции во тоа подрачје или неконтролирано грчење на мускулна група која што ја опслужува едно моторно нервно влакно.

Ракот е болест при која некои од телесните клетки неконтролирано растат и се шират на други делови на телото. Симптомите на рак се многубројни, но многу од предупредувачките знаци навидум не се поврзани со појавата на тумор.

Понекогаш канцерогениот тумор е малиген, што значи дека може да расте и да се прошири на други делови на телото каде што нервите се во средината/центарот, предизвикувајќи мускулни грчеви. Мускулните грчеви се предизвикани од неволни контракции во тоа подрачје или неконтролирано грчење на мускулна група која што ја опслужува едно моторно нервно влакно.

Симптомите обично се јавуваат кога туморот почнува да го притиска мозокот, запирајќи го нормалното функционирање на дел од органот. Туморот на мозокот може да ги иритира невроните во мозокот, предизвикувајќи мускулни контракции, грчење, вкочанетост и трнење, плитко дишење и губење на свеста.

Туморите што се шират на темпоралниот лобус, фронталниот лобус и париеталниот лобус може да предизвикаат проблеми со говорот, донесувањето одлуки, решавањето проблеми, концентрацијата и функциите на брзината на размислување. Затоа, неопходно е да се решат симптомите веднаш штом ќе се појават. Во секој случај, се советува веднаш штом забележите какви било промени, веднаш да се јавите кај вашиот лекар за да направите дополнителни испитувања.

Болката што се појавува околу мускулот се нарекува мускулно-коскена болка. Грчот е вид на мускулно-коскена болка. Треперењето на мускулот и грчот на мускулот се неволни контракции на мускулот, но тие не се сосема исти. Треперењето на мускулите е кратка контракција што може да се повторува.  Тоа може да предизвика непријатност и може да биде благо болно. Мускулниот грч е продолжена контракција. Тоа може да доведе до силна болка, па дури и долготрајни грчеви.

Ако е зафатен ‘рбетниот мозок, може да се појават проблеми со мускулите, како што е затегнување на мускулното ткиво во ногата, глуждот и стапалото. Во ‘рбетот може да се појави било кој вид на тумор, вклучувајќи примарни и секундарни тумори. Повеќето примарни тумори се бенигни и бавно растат. Секундарните тумори се канцерогени клетки кои доаѓаат од други делови на телото.

Некои големи карциноми за кои се знае дека се шират на ‘рбетниот мозок вклучуваат рак на простата, рак на белите дробови и рак на дојка. Поради нивната голема способност да метастазираат, овие карциноми лесно може да се рашират на ткивото во внатрешноста на ‘рбетот.

Исто така, познато е дека два типа на рак на крвта, како што се миелом и леукемија, се шират на ‘рбетот. Ова обично се случува кога малигнитетот потекнува од бели клетки или плазма во коскената срцевина.

Кога ракот ќе се прошири на ‘рбетот, пациентите може да доживеат губење на свеста или тонусот на мускулите. Оваа состојба може да биде проследена со спорадични епизоди на треперење или опуштање на на мускулите или со целосно губење на контролата над телесните функции, како што е губење на контролата на мочниот меур.

Луѓето може да почувствуваат болка во грбот која со тек на времето се влошува, а често е концентрирана во средината или долниот дел на грбот и обично е силна и не се ублажува со лекови против болка. Оваа болка се влошува кога лежите или се напрегате, а може да се прошири на колковите или нозете. Може да биде придружена и со слабост во мускулите во нозете што предизвикува падови, го отежнува одењето, а може толку да се влоши да дури може да доведе и до парализа.

Освен треперење на мускулите и грчеви, постојат неколку други знаци во телото кои би можеле да сигнализираат на рак. Тоа вклучува губење на апетитот, крв во столицата, крв во урината, кашлица која не поминува, екстремен замор, треска која не поминува, јазол во вратот, ноќно потење, промени на кожата, отечени лимфни јазли, проблеми со голтањето и необјасниво намалување на телесната тежина. Доколку почувствувате било кој од горенаведените симптоми, посоветувајте се со вашиот лекар.

Не е се рак

Сепак, не секое треперење или грчење на мускулите е знак за рак. Тие можат да се случат и од други причини. Тоа вклучува стрес, консумирање премногу кофеин, лоша исхрана, интензивно вежбање или може да бидат несакан ефект на некои лекови. Многу луѓе доживуваат треперење во мускулите на очниот капак, палецот или потколеницата. Овие видови на треперење обично исчезнуваат по неколку дена и често се поврзуваат со стрес или анксиозност. Препорачливо е да посетувате лекар ако мускулните грчеви се појавуваат редовно и не поминуваат дури и по одмор, хидратација и правилна исхрана.