РАНИ ЗНАЦИ: Ако наутро ги чувствувате овие симптоми, немојте да ги игнорирате!

Доколку наутро се чувствувате лошо, не ги игнорирајте таквите знаци. Овие пет болести, според лекарите, наутро може да се влошуваат.

Доколку наутро се чувствувате лошо, не ги игнорирајте таквите знаци. Овие пет болести, според лекарите, наутро може да се влошуваат.

Вртоглавица

Чувството на вртоглавица или зашеметеност наутро може да биде знак за низок крвен притисок. Имено, крвта се собира во телото кога ќе легнете, а откако ќе станете, крвта оди кон нозете и стомакот, предизвикувајќи пад на крвниот притисок, објаснуваат експертите.

Крвниот притисок брзо се регулира, но ако тоа се случи премногу бавно, што се нарекува ортостатска хипотензија, според експертите, може да почувствувате вртоглавица.

Главоболка

Главоболката наутро може да биде предизвикана од нарушувања на спиењето, како што е несоницата. Забележано е дека нарушувањата на спиењето предизвикуваат мигрена, а главоболките се со поголема веројатност да станат хронични кај луѓето со слаб квалитет на сон.

Замор

Ако наутро се будите уморни, тоа може да биде знак за апнеја (краткорочно прекинување на дишењето за време на спиењето). Дишењето престанува неколку пати за време на спиењето и трае неколку секунди. Лицата кои страдаат од апнеја, наутро се будат уморни и исцрпени.

Мачнина

Чувството на мачнина наутро може да биде знак за низок шеќер во крвта. Дијабетичарите може да чувствуваат гадење поради, како што објаснуваат експертите, долгото дејство на инсулинот.

Болка во мускулите

Болката во мускулите наутро може да биде знак за фибромијалгија (хронична болка во мускулите и коските). Оваа состојба е придружена со замор, како и нарушувања на расположението и сонот.